Аменхотеп әулеті

Аменхотеп әулеті — Ежелгі Мысырдағы перғауындар әулеті. Аменхотеп ІІІ. Б.з.б. 1455 — 1419/1405 — 1367 ж.ш. билік жүргізген. Оның патшалығының бастапқы кезеңінде Мысырдың әскери қуаты шырқау шегіне жеткен. Аменхотеп ІІІ тұсында Луксорда сәулетті Амон-Ра ғибадатханасы мен патшаның алып мүсіндері — “Мемнон колосстары” бейнеленген, кейін перғауынның өзі жерленген зәулім Аменхотеп ІІІ ғибадатханасы салынған. Аменхотеп ІІІ билігінің соңғы жылдарында ішкі қайшылықтар мен хеттердің шапқыншылықтары елді әлсіретіп, оның азиялық иеліктерінде толқулар жиіледі.

Аменхотеп ІV. Б.з.б. 1419 — 1400/1368 — 1351 ж.ш. билік жүргізген. Орта және ұсақ жер иелерінің қолдауына сүйеніп, байырғы ақсүйектер мен олар табынған Амон-Ра құдайының абыздарына қарсы күресті. Мемл. дінде елді Атон құдайына табынатын етті. Өз есімін өзгертіп, Эхнатон](Атонға табынушы) деп аталды. Атонның құрметіне сәулетті ғибадатханалар салынды. Аменхотеп ІV тұсында Мысыр әлсіреп, Сирия мен Палестина оның ықпалынан шыға бастады. Аменхотеп ІV-нің қандай жағдайда өлгені беймәлім.