Амфиболит

Амфиболит – қоңырқай реңді (қоңыр, қара қошқыл, қою жасыл), жік-жапсарлы немесе шомбал нақышты метаморфтық тау жынысы. Минералдық құрамы негізді мүйізталшықтан және орта плагиооклаздардан тұрады; онда аздар гранат, эпидот, биотит, диопсит, т.б. минералдар ұшырасады. Амфиболит орта және негізді құрамды магмалық жыныстардан, кейбір шөгінді жыныстардың метаморфтануы нәтижесінде қалыптасады. Қара түсті амфиболиттер әшекей және қаптама тастар ретінде жиі қолданылады.