Анна Шпет

Анна Шпет (нем. Anna Späth) - алхоры сорты. Сортты неміс биологы Л.Шпет 1970-ші жылдары өндіріп шығарған. 1951-1953 жылдардағы қатты қыста Алматы облысының тау бауырындағы және тау етегіндегі аймақтарында бұл сорттың ағаштары түгел үсіп кетті. Жеміс беретін ағаштар тек тау белдеуіндегі аймақтарда ғана сақталды, өйткені бұл жерлерде олар қысқа төзімді келеді. Таудағы участокта жеміс өнімі біркелкі емес, бір ағаштан орта есеппен 14,4 килограмм жеміс алынады. Жемісінің орташа салмағы- 40г. Жемісі дөңгелек, сопақша. Қабығы қатаң, сәл қызғылт реңі бар қоңыр көк түсті. Жұмсағы тығыз, едәуір шырынды, өте ұнамды тәтті дәмі бар. Орта есеппен 5жыл ішіндегі дегустациялық бағаның (дәмін татып сапасын айыру) мәліметтері бойынша, жемістің сапасы мынадай болды: сыртқы көрінісі-3,9 балл, хош иісі-3,4 , шырындылығы-3,9 , тығыздығы-4,1 , дәмі-3,6 балл. Сүйегі жұмсағынан еркін айырылады.

Жемісі

Анна Шпет сортының және үй алхорысы түрлерінің ішіндегі сапасы жақсы сорттарының қысқа төзімділік қасиетін арттыру үшін бұл сорттарды қыс суығына өте төзімді Ванета сортымен ұластырып өсіру жөнінде өндірістік тәжірибе негізін салған жөн болар еді. Біздің осы бағытта жүргізген барлау жұмыстарымыз үміттенерлік нәтиже беріп отыр.