Антонин Заптоцкий

Заптоцкий Антонин - чехословак және халықаралық жұмысшы қозғалысының қайраткері, Чехословакияның мемлекет және саяси қапйраткері, жазушы. Л. Запотоцкийдің баласы.

Заптоцкий Антонин
Туған күні	19 желтоқсан 1884 (1884-12-19)
Туған жері	Кладно , Заколани
Қайтыс болған күні	13 қараша 1957 (1957-11-13) (72 жас)
Қайтыс болған жері	Прага
Азаматтығы	Чехословакия
Партиясы	Чехословак социал – демократиялық партиясы

Қызмет жолы

Тас қашаушы болып істеді (1898 – 1905 жылдар). 1902 жылы Чехословак социал – демократиялық партиясына кірді. 1909 жылдан социал – демократиялық партияның маркстік сол қанаты басшыларының бірі болды. Коминтерннің 2-конгресінде партия делегациясын басқарды (Мәскеу, 1920 жыл), онда В. И. Ленинмен кездесті. Желтоқсан саяси стачкасын (1920 жылы) ұйымдастырушылардың бірі, Кладно революциялық комитетінің председателі болды. Чехословакия Коммунистік партиясын (ЧКП) құруда маңызды рөл атқарды. Чехословакия Коммунистік партиясы құрылған кезден бастап ( 1920 жылы мамыр) ОК мүшесі, 1922 – 25 жылы Чехословакия Коммунистік партиясының Бас хатшысы. Коминтерннің 6 – конгресіне қатысты. Соңғысында КИАК мүшесі болып сайланды. Чехословакия Коммунистік партиясына тыйым салынғаннан кейін (1939 жыл қазан) оның астыртын ОК-нің мүшесі. Гитлершілдер тұтқындап (1939 жылы 11 сәуір), түрмеге жапты, лагерьде ұстады, онда ол астыртын жұмыстарға қатысты.

Ел азат етілгеннен кейін (1945 жылы) Кәсіподақтар Орталық Советінің председателі (1950 жылға дейін), Чехословакия Коммунистік партиясы ОК Президиумының ( 1945 – 54 жылы Саяси бюросының) мүшесі болды. 1948 жылдан 1953 жылдың наурызына дейін үкімет председателі, 1953 жылдан республика президенті. Заптоцкий – жұмысшы қозғалысы жөніндегі көптеген мақалалардың, чех пролетариатының революция қозғалысына арналған хроникалық романдардың авторы.