Арай (әдеби поэзия кеші)

Арай әдеби (поэзия) кеші Қазақ теледидары "Кұрдастар" редакциясының танымал топтамаларының бірі. [1].

Хабарға Қазақстан комсомолы сыйлығының иегерлері ғана шақырылды. Кеш А. Пушкин атындағы (бүгінгі Орталық Ұлттық кітапхана) кітапхана залында өткізіліп тұрды. Алғашқы кешті ақын Қадыр Мырзалиев бастады. Ақын-жазушылар Т. Молдағалиев, О. Бөкеев, М. Шаханов, Ж. Нәжімеденов, Ф.Оңғарсынова, Р.Сейітметов тәрізді өнер тарландары сол 1970-1980 жылдары "Құрдастар" редакциясының құрметті қонақтары, жанашыр авторлары әрі бір мезгілде хабардың кейіпкерлері бола білді. Олар әрбірі отты, ойлы, сергек серпілісімен, кемеңгерлік ой кесімдерімен, тамылжыған тіл өрнектерімен, ортаға ой тастайтын дәуір дауылпаздары еді.

Бұл топтама эфирде 1977 жылдан бастап, үзбестен төрт жыл бойы көрсетілді. Редакторы — Құсыман Игісінов.

Дерекөздер өңдеу

  1. Қазақ телевизиясы. Энциклопедия. — Алматы: "ҚазАқпарат", 2009, 1-т. ISBN 978-601-03-0070-57.