Аралық шеп

Аралық шеп — алдыңғы әскерлердің, бөлімдердің немесе құрамалардың (бөлімдердің) барлық күштерінің ретімен орналасуы және шегініс кезінде ұрыс жүргізу үшін әскерлерге тағайындалатын қорғаныс шебі. Аралық шептің саны және әрбіреуіндегі қорғаныс ұзақтығы шегініс тереңдігіне, келесі әрекеттер мәнісіне, қолда бар күштер мен құралдарға, сонымен катар жергілікті жер сипатына және қарсыласты кідіртуге қажет уақытка байланысты болады. Аралық шептің тереңдігі әскерлердің ұрыстық ретінің орналасу тереңдігімен анықталады. Аралық шеп бір-бірінен арақашықтығы қарсылас бірінші шепті алғаннан соң, әрбір келесі шепті алу үшін артиллерияның атыс позицияларын ауыстыруға және шабуылды қайта ұйымдастыруға мәжбүр ететіндей болып белгіленеді. Олар мүмкіндігіне қарай табиғи кедергілерден кейін орналастырылады және инженерлік бөгеттермен күшейтіледі. Шегінген әскерлер орналастырылатын соңғы шеп аяқтаушы деп аталады. Кейбір мемлекеттер әскерлерінде аралық шеп ұрыстық әрекет алқаптарында құрылады. Аралық шептердің бір-бірінен қашықтығы қорғаныс әрекеттерінің мәнісіне және жергілікті жер сипатына байланысты 30-60 километрді құрайды.