Ардақ Бекмұратқызы Исатаева
Ардақ Бекмұратқызы Исатаева (1976 жылы 2 желтоқсанда Жамбыл облысы Сарысу ауданында туған) — танымал дәстүрлі әнші. Қазақстанның еңбек сіңірген қайраткері (2015). Құрманғазы атындағы Қазақ ұлттық консерваториясының доценті.
| Ардақ Бекмұратқызы Исатаева | |||
| Толық аты |
Ардақ Бекмұратқызы Исатаева | ||
|---|---|---|---|
| Туған күні |
2 желтоқсан 1976 (47 жас) | ||
| Туған жері | |||
| Мемлекет | |||
| Мамандығы | |||
| Аспаптары | |||
| Жанрлары |
дәстүрлі және халық әндері | ||
| Ұжымдары | |||
| Марапаттары |
| ||
Толығырақ
өңдеу- Ардақ Бекмұратқызы 1976 жылы 2 желтоқсанда Жамбыл облысы Сарысу ауданы Калинин ауылында дүниеге келген.
- 1983 - 1993 жылдары В.И. Ленин атындағы орта мектепте оқыған. Мектеп қабырғасында оқып жүргенде аудандық, облыстық концерттерге қатысып, көзге түскен. К.Әзірбаев атындағы облыстық байқауда 3-орын иеленген.
- 1993 - 1998 жылдары Құрманғазы атындағы Қазақ ұлттық консерваториясының «Халық әні» кафедрасында Арқа әншілік мектебі бойынша Қазақстанның еңбек сіңірген артисі, Мемлекеттік сыйлықтың иегері Бекболат Тілеуханнан дәріс алған.
- 1997 жылы Қазақстан Республикасы Ұлан гвардиясы жанынан құрылған президент оркестрінің жеке әншісі
- 1998 - 2005 жылдары Гүлдер ансамбльінің солисті
- 2000 жылдан Құрманғазы атындағы Қазақ ұлттық консерваториясының «Халық әні» кафедрасында Арқа әншілік мектебі бойынша дәріс береді. Көптеген шәкірттер дайындаған, шәкірттері халықаралық, республикалық байқаулардың жүлдегерлері.
Жетістіктері
өңдеу- 1998 - Қарағанды қаласында өткен Ж. Елебеков атындағы 1-ші Республикалық байқаудың лауреаты (1-орын)
- 2000 - Қырғызстан Республикасының «Ош» қаласында өткен халықаралық дәстүрлі әншілер байқауының Бас жүлдегері
- Көптеген шет елдерде өнер көрсеткен: АҚШ - ( Вашингтон, Нью-Йорк, Лос-Анджелес, Хьюстон, Санта-Барбара, Чикаго, Рочестер), Канада, Испания, Италия, Швейцария –(Анзера), Франция- (Париж), Қытай- (Пекин, Шанхай), Гонконг, Сингапур, Үндістан-( Дели, Агра, Хайдарабат, Бамбей), Түркия –(Стамбул, Анкара, Газиантэп), Корея –(Сеул), БАӘ- (Абудаби), ТМД елдері.
- Құрманғазы атындағы Қазақ ұлттық консерваториясының «Халық әні» кафедрасының аға оқытушысы.
Марапаттары
өңдеу- 2008 - Қазақстан Республикасының Мәдениет Қайраткері атағының иегері.
- 2015 жылы президент жарлығымен "Қазақстанның еңбек сіңірген қайраткері" құрметті атағымен марапатталды.
- Құрманғазы атындағы Қазақ ұлттық консерваториясының «Халық әні» кафедрасының аға оқытушысы.