Аркадиуш Милик

Аркадиуш Кристиан (Арек) Милик (пол. Arkadiusz Krystian "Arek" Milik; 28 ақпан 1994 жыл, Тыхы) — польшалық футболшы, Польша Ұлттық футбол құрамасы мен "Наполи" клубының шабуылшысы.

Аркадиуш Милик
Жалпы мағлұмат
Туған күні	28 ақпан 1994 (1994-02-28) (30 жас)
Туған жері	Тыхы, Польша
Азаматтығы	Польша
Бойы	186
Салмағы	76
Позиция	шабуылшы
Клуб жайлы ақпарат
Клуб	Наполи
Номері	99
Клуб карьерасы 2010—2011 Розвой (Катовице) 10 (4) 2011—2012 Гурник (Забже) 38 (11) 2013—2015 Байер 04 6 (0) 2013—2014 →  Аугсбург 18 (2) 2014—2015 →  Аякс 21 (11) 2015—2016 Аякс 31 (21) 2016— Наполи 93 (38) Ұлттық құрамы 2012— Польша 52 (13)

Карьерасы

2011 жылы "Гурник" клубымен келісім шарт жасасты. Сол жылы 31 шілдеде "Шленск" клубына қарсы тұңғыш ойынын өткізді. 2012 жылы желтоқсанда "Байер 04" футболшысы атанды. Бірақ жарты жылдан соң "Аугсбургке" жалға берілді. Ал 2014 жылы "Аякске" жалға берілді.

2015 жылы "Аякс" футболшыны түпкілікті сатып алды.

2016 жылы жазда "Наполиге" ауысты. Сол жылы ұлттық құрама сапында Данияға қарсы ойында ауыр жарақат алды да, енді ол маусым біткенше жазылмайды деп болжанғанымен, 2017 жылы ақпанда қатарға қосылды. 2017 жылы 24 қыркүйекте СПАЛмен ойында тағы да сол тізесінен жарақат алды. 2018/19 жылғы маусымда ғана Италияда өзін танытты, 35 кездесуде 17 гол соғып, Италия чемпионатында мергендер көшінде бесінші орын алды.

2019 жылы 1 желтоқсанда Чемпиондар лигасында "Генктің" қақпасына үш гол соқты да, Роберт Левандовскийден кейін чемпиондар лигасында хет-трик жасаған екінші поляк футболшысы атанды. Сондай-ақ чемпиондар лигасында хет-трик жасаған "Наполи" тарихындағыы тұңғыыш ойыншы.

Ұлттық құрама

Польшаның бірнеше жастағы құрамаларында ойнаған. 2012 жылы 12 қазанда 18 жасында Польша Ұлттық футбол құрамасы сапындағы тұңғыш ойынын ОАР құрамасына қарсы жолдастық кездесуде өткізді.

2016 жылы Еуропа чемпионатына, 2018 жылы әлем чемпионатына қатысты.

Жетістіктері

«Наполи»

• Италия кубогы: 2020

Сілтемелер

• Тransfermarkt сайтындағы профилі