Армандастар (ән)

Армандастар әні — әуенін Әсет Бейсеуов, мәтінін Нұрсұлтан Әлімқұлов жазған ән. Әнді алғашқы рет ҚР халық әртісі Сара Тыныштығұлова орындаған. Кейін «Армандастар» әні Нұрғали Нүсіпжанов, Сұлушаш Нұрмағамбетова, Мақпал Жүнісова т.б. әншілердің әнқоржынына енді^[1].

Әннің шығу тарихы

1972 жылы Әсет Бейсеуов ән мәтінін жазғанша, әуенін жазып қояды. Кейін достарын «Қазақ концертке» шақырып жаңа әуенді тыңдатады. Ән көңілден шығып, оны тыңдармандар жоғары бағалайды. Сол тыңдармандардың арасында ақын Нұрсұлтан Әлімқұлов та бар екен. Әнді ұнатқан ол: «Рұқсат болса, ән мәтінін мен жазайын» деп өзі ықылас танытады. Сазгер өз рұқсатын береді^[2]..

Ән мәтіні

Армандастар
Бірінші шумақ
Бір ауылдың түлеп ұшқан жастары едік, Бір дәуірдің мөлдіреген аспаны едік. Бәріміз де жазылмаған дастан едік, Армандастар – құрдастар!
Қайырма:
Бір дәуірдің мөлдіреген аспаны едік, Бәріміз бір өмір жолын бастап едік. Армандастар қайда? Абзал достар қайда? Замандастар, қарлығаштар қайда екен?
2 шумақ
Арман қуған, қиял қуған кезің қайда? Құрбы қыздар, мөлдіреген көзің қайда? Сол алғашқы алаулаған сезім қайда? Армандастар – құрдастар!
Қайырма
3 шумақ
Бәрің, достар, әр тарапқа кеттіңдер ме?! Әлде биік асулардан өттіңдер ме?! Әлде игі армандарға жеттіңдер ме?! Қайдасыңдар, құрдастар?!^[3]
Қайырма

Дереккөздер

[1] "Армандастар" әнінің шығу тарихы.

[2] "Армандастар" әнінің шығу тарихы.

[3] Казахские песни — өлеңдер / Қазақша Назад Армандастар.

[1]

[2]

[3]