'''Тиіндер''' ({{lang-la|Sciurus}}) — тиінтәрізділер тұқымдасының бір туысы. [[Еуразия]], Солтүстік және Оңтүстік [[Америка|Американың]]ның ормандарын мекендейтін 40-тан астам түрі белгілі. [[Қазақстан|Қазақстанның]]ның шығыс, орталық және солтүстік аймақтарында, [[Тянь-Шань]] мен [[Жетісу]] ([[Жоңғар]]) [[Алатау|Алатауының]]ының қарағайлы ормандарын мекендейтін 1 түрі – [[кәдімгі тиін]] (''Sciurus vulgaris'') бар. Оның тұрқы 16 – 28 см, салмағы 450 – 600 г. Түсі ақшыл сұр не жирен, үлпілдек, қалың жүнді, құйрығы ұзын (23 см-ге дейін). Құлағында шашағы болады. Ұясын ағаш басына кейде кеуегіне не жартас жарығына салады. Тиін – тұрғылықты аң, бірақ қорегі ([[шырша]], т.б. қылқан жапырақты ағаштардың тұқымы) тапшы болса, кейбір жылдары жаппай қоныс аударуы мүмкін. Қысқа қарай қор жинайды. 2 жаста жыныстық жағынан жетіліп, ақпан – наурыз айларында ұйығады. Жылына 2 рет (әр жолы 3 – 10) балалайды. Тиіндер терісі үшін ауланады.<ref>Қазақ ұлттық энциклопедиясы, 18 том</ref>