Бақтықожа Салахатдинұлы Ізмұхамбетов

Бақтықожа Салахатдинұлы Ізмұхамбетов 1948 жылы туған. Уфа Мұнай институтын бітірген. Техника ғылымдарының докторы. Еңбек жолын "Ембімұнай" бірлестігінде бұрғылаушы болып бастады. Қазақ мұнай геологиялық-барлау ғылыми-зерттеу институтында әр түрлі қызметтер атқарды. 1983 жылдан 1987 жылға дейін Йеменде іссапарда болды. Атырау тәжірибе-әдістемелік экспедициясының бас технологы, бастығы болды. 1991-1993 жылдары Геология және жер қойнауын қорғау министрлігінде бөлім, басқарма бастығы болып жұмыс істеді. “Қазақтүрікмұнай” бірлескен кәсіпорнының, “Қазмұнайтеңіз” теңіз мұнай компаниясының бас директоры, “ҚазМұнайГаз” ұлттық мұнай компаниясының атқарушы директоры, Қазақстан Республикасы Энергетика және минералдық ресурстар бірінші вице-министрі болып тағайындалды. 2006 жылғы қаңтардан бастап Қазақстан Республикасы Энергетика және минералдық ресурстар министрi қызметінде болған. 2007 жылдың тамыз айынан бастап Батыс Қазақстан облысы әкімі қызметіне тағайындалды.