|
«Арыс» баспасы, 2005 ISBN 9965-17-272-2 </ref>
Бақытты да салауатты ғұмыр кешіп, саналы ғұмыры күнделікті тіршілік қарекетіне толы болған Қапал атамыз 1897 жылы Оңтүстік Қазақстан облысы, қазіргі Отырар ауданының, Қожатоғай елді мекеніне қарасты Дарбаза ауылында қарапайым қойшы отбасында дүниеге келген. Қаршадайынан ата кәсібін қуып, мал баққан атамыз қаракөл қой шаруашылығын дамытудағы үздік табыстары үшін 1944 жылы Ұлы Отан соғысының қақап тұрған кезінде Соцалистік Еңбек Ері атағына ие болды. Атамыздың көзін көргендердің айтуынша ол кездері жиналыс сирек болған және мемлекеттің атақты адамдарын қошеметтеп, марапаттау ілуде бір кездесетін оқиға деп саналған. Атамыздың есімі көзін көргендердің ұғымында еңбекқор ретінде қалды. Тек бұл сөзді бас әріппен «Еңбекқор» деп жазу керек.
Ол кісі жайлы кезінде қалам тартқандар аз, мүлде жоқтың қасы. Өзінің осынау ғұмырында «Қожатоғай» совхозын ұйымдастырып, қаракөл қой шаруашылығын дамытуға зор үлес қосты. Енді есептек көрсек, бір өзі ұзақ ғұмырында елу мыңға тарта қой өсірген екен. Бірақ ол кісі сондай мол байлықты құрап кеткенін, елін байтып, өмірді мәнді қылып, күнкөрісті көтеріп, адам баласына ізгі қызмет еткенін ешқашан міндет еткен емес.
Қарапайым қалпынан еш танбаған атамыз 1979 жылы дүниеден өтті. Батыр атамыздың сүйегі өзінің кіндік қаны тамған Дарбаза ауылындағы ата-бабаларымыздың мәңгілік мекеніне айналған қорымда жатыр.
Еліміз еркіндік алып, тәуелсіздіктің 20 жылына қадам бастық, осынау тәуелсіздік таңдарын жақындатып, бостандықты аңсап өткен ұлы тұлғаларды құрметтеу – біздің парызымыз!
Араға қаншама жылдар салып, абзал азаматтардың арқасындаҚапал атамыздың ерен еңбегі ерленді. Атамыздың есімін өзі туып өскен Дарбаза ауылындағы бастауыш мектепке, Сарыағаш ауданы, Самал шағын елді мекені мен Қожатоғай елді мекеніндегі көшелерге берілді. Отырар ауданындағы орталық алаңға ескерткіш тақтасы орнатылды.
Еліміз дамып, жаңа құрлыстар бой көтеріп, көптеген көшелер пайда болды. Күнделікті күйбең тіршілікте көшелерге аты берілген жандардың өмір тарихына көңіл аудармайтыныз анық. Олар шын мәнінде елі үшін еңбек еткен азаматтар. Мен атамызды мақтамаймын, Қапал атамен мақтанамын!
Сөздің реті келгенде айта кетейік, Қапал Құттыбековтың 3 ұлы, 4 қызы болған. Тағдырдың жазғаны ғой, ұлдары Әбдімәлік пен Әбдіхалық дүниеден ерте өтті. Кенже ұлы Оразгелді Арыс қаласында тұрады.Олардан тараған 50 ден аса немересі, 70 шақты шөбере шөпшектері бақытты ғұмыр кешуде.
== Дереккөздер ==
| 