Ерлан Мұхтарұлы Арын

Арын Ерлан Мұхтарұлы (23. 9.1961 ж.т., Алматы қ.) – экономика ғылымдарының докторы (1994), профессор (1997), ҚР Әлеумметтік (1995) пен Пед. (1997), «Еуразия» Халықаралық экономика (1997) академияларының және ҚР Инженерлық академиясының (1999) акад. ҚазМУ-дың философия-экономика факультетін бітірген (1983).

Алматы мемлекеттік университетінде стажер-зерттеуші, оқытушы (1983–85), ҚР Ғылым Академиясының экономика институтында ғылым қызметкер, ғалым-хатшы (1985–92), ҚР Президенті жанындағы Стратегиялық зерттеу орталығының директорының орынбасары (1992), 1-орынбасары (1993–94), Қазақстан Даму институтының президенті (1994–97), ҚР Білім, мәдениет және денсаулық сақтау мин-лігінің вице-министрі (1997–99), 1-вице-министрі (1999), ҚР Білім және ғыл. мин-лігінің 1-вице-министрі (1999–2001), ал 2001 жылдан Павлодар мемлекеттік университетінің ректоры қызметтерін атқарады. «Экспортная ориентация национальной экономики (на материалах Республики Казахстан)» деген тақырыпта докт. дисс. қорғады. Негізгі ғыл. еңбектері өтпелі кезеңдегі қоғамның әлеум., саяси және экон. дамуының мәселелерін зерттеуге арналған. 100-ден аса ғыл. еңбектің, Қазақстанмен қатар шет елдерде жарық көрген (Қытай, Австрия, Швейцария, Жапония) монографиялардың, жоғары оқу орындары және орта мектептерге арналған оқу құралдары мен сөздіктерінің авторы. 3 томдық «Қазақ мәдениеті» энциклопедиясының бас редакторы (1999–2002). Арын ҚР «Дарын» мемлекеттік жастар сыйлығының лауреаты (1994). «Құрмет» (2005) орденімен және медальдармен марапатталған.

Шығармалары

1. Экспортная ориентация национальной экономики, А., 1993;
2. Международные экономические организации и экономические союзы, А., 1996;
3. Казахстан: эволюция государства и общества, А., 1997;
4. Басқару теориясы, оқулық, Павлодар, 2003.