'''Тоғызкент''' – [[Жамбыл облысы]] [[Сарысу ауданы]]ндағы ауыл, [[Тоғызкент ауылдық әкімшілік округі]] орталығы. Аудан орталағы – [[Жаңатас]] қаласынан солтүстік-шығысқа қарай 70 км жерде, [[Талас|Таластың]] тармағы, [[Аса]] өзенінің ең төменгі ағысындағы боз жусан, баялыш, күйреуік, т.б. сораң шөптер өскен белдемде орналасқан. Тұрғыны 1,0 мың адам (1999). Ауыл 1997 ж. дейін Төгіскен деп аталып келді. Іргесі 1950 ж. асыл тұқымды қаракөл қойын өсіретін «Тоғызкент» кеңшарының орт. ретінде қаланды. Оның негізінде 1997 жылдан Тоғызкентте «Тоғызкент» АҚ және 20-дан астам шаруа қожалықтары құрылды. Ауылда орта мектеп, клуб, кітапхана, отбасылық-дәрігерлік амбулатория, т.б. мекемелер бар. <ref>Тараз энциклопедиясы</ref>