'''Эвтрофтану''' - биогенді элемеңттердіңэлементтердің, оның ішінде, [[азот]] пен [[фосфор|фосфордың]] [[су]] көздерінде жиналуына байланысты солар арқылы [[суқойма|суқоймалардың]] бірінші өнімділігінің артуы. Бұл табиғи процесті антропогендік іс-әрекеттер жеделдетуі мүмкін. Биогенді құрауыштар суқоймаларға су және [[ауа]] жолдары арқылы түседі. Суқоймалардың эвтрофтануының негізгі себептеріне [[топырақ эрозиясы]], [[ауыл шаруашылығы]]нда минералды тыңайтқыштардың көп қолданылуы, фосфорлы детергенттердің (әсіресе ары активті синтетикалық заттектер) кең қодданылуы, мал шаруашылығының калдықтарының қалай болса солай тасталуы, [[қышқыл жаңбыр]] тудыратын қасиеті бар ауаға тасталатын заттектерді және т.б. жатқызуға болады. Суқоймалардағы эвтрофтану процесін сипаттайтын негізгі жағдайларға мынадай себептерді жатқызуға болады: 1) су қабатында еріген [[оттек]] мөлшерінің азаюы; 2) биогенді элементтер (азоттың, фосфордың, [[калий]]дің) концентрацияларының жоғарылауы; 3) органикалық заттектердің қалқыма бөлшектері санының көбеюі; 4) су түбіндегі шөгінділерде фосфордың шоғырлануы; 5) судың лайлануына байланысты күн сәулесінің сулы ортаға өтетін мөлшерінің азаюы; 6) судағы балдырлар популяцияларының өзгеруі (өте ұлы [[заттек]]тер бөлетін түрлерге ауысуы); 7) фитопланктон әралуандылығының азаюына қарамастан олардың биомассасының әдеуір мөлшерде көбеюі.<ref>Қазақ тілі терминдерінің салалық ғылыми түсіндірме сөздігі. Су шарушылығы. – Алматы, Мектеп, 2002.</ref>
