Метафора: Нұсқалар арасындағы айырмашылық

Метафораның басқа [[троп|троптарға]] ұқсас келетін қасиеттері бар. Мұндайда метафораның анықтамасын және атқаратын троптық қызметін естен шығармаған мақұл. Мысалы, ''мына көзілдірікке мен көп сене қоймаймын'' сөйлеміндегі көзілдірік, бір қарағанда, [[метонимия]] (бүтіннің бөлшегі) ретінде қабылдануы мүмкін. Соған қарамастан, оның метафоралық қызметін де жоққа шығаруға болмайды. Дәлірек айтқанда, бұл сөзді қолданушы адам бүтіннің бөлшегін емес, көзілдірік киіп алып білгішсінген, ақыл айтқыш, барлығынан хабары бар мақтаншақ кісіні еске салуы мүмкін. Метафораның теңеумен ара қатынасын да білу қажет. Айталық, метафора бір ұғымның орнына екінші ұғым- ды қолдануды қаласа, теңеуде бір зат пен екінші заттың ұқсас жайлары алынады:

<poem>Күннің көзі малшы болып,

Шартылдады, күркіреді,

Бес түлік мал дүркіреді (Қ. М.) </poem>дегенде, тұлғалық жағынан әдеттен тысқары қолданылғанымен, күннің орнына малшы, найзағайдың орнына қамшы жұмсалуға лайық. Ал ''Жігіттің жүрегі дүрс-дүрс соғып, аттай тулап кетті''(Н. Ғ.) сөйлеміндегі ''аттай'' немесе ''ат сөзі'' жүректің орнына қолданыла алмайды, жүректің тез соғуы мен аттың тулауының арасында, алшақтау болса да [[аналогия]] бар.