Хачатур Аветикович Абовян: Нұсқалар арасындағы айырмашылық

'''АБОВЯН Хачатур''' (1805, Канакр с., Ереван маңы — 14.4.1848, [[Ереван]]) — [[армян]] жазушысы. Дәулетті семьяда туған. Эчмиадзиндегі және Тифлистегі діни семинарияда оқыған (1824 — 26). [[Дерпт]] (қазіргі Тарту) университетін бітірген (1836). “[[Армения]] жарасы” атты романында (1841) [[орыс-иран соғысы]] кезіндегі (1826 — 28) [[Армяндар|армян]] халқының [[ұлт-азаттық күрес|ұлт-азаттық күресі]]і суреттелген. “Американың ашылуы”, “Хикаялар кітабы”, “Қол бос кездегі ермек” (1864) деген мысалдар жинағын, “Бәйіттер” ([[1864]]) т. б. [[шығармалар]] жазды. АБОВЯН — “Сүрлеу” атты оқу кітабының (1838), орыс және армян тілдері грамматикасының, “Тигран тарихы немесе армян балаларына арналған адамгершілік жөніндегі өсиеттердің” авторы. [[Этнография|Этнографиямен]]мен шұғылданды, армян, [[әзірбайжан]], күрд фольклорын жинап, зерттеді. [[Гомер|Гомердің]]дің, И.В.Гётенің, И.Ф.Шилпердің, Н.М.Карамзиннің, И.А.Крыловтың шығармаларын армян тіліне аударған. АБОВЯНның өлеңдері [[Қазақ тілі|қазақ тіліне]] аударылған (1948).

== Қолданылған әдебиеттер ==

* Қазақ ұлттық энциклопедиясы

[[Санат:тұлғаларТұлғалар]]