Янтарь: Нұсқалар арасындағы айырмашылық

'''Янтарь''' (литв. gentaras – ағаш шайыры) – палеоген-неоген кезеңдерінде өскен қылқан жапырақты ағаштардың шайырларынан түзілген органикалық қосылыс түріндегі минерал. Хим. формуласы: C40H64O4, құрамы (%-бен): С – 79,0; Н – 11,0; О – 10,0 және аздаған күкірт қоспасы бар. Минералдық түрлері: сукцинит, глессит, бокерит, кранцит, стантинит. Минералдық агрегаттары қатпар, тамшы, сталактит түрінде келеді. Түсі сары қызыл, [[сары]] қоңыр, жылтыр, мөлдір, жарықты жақсы өткізеді, аморфты, шытынап сынады. Қатт. Моос шкаласы бойынша 2 – 2,5, тығызд. 1,0 – 1,1 г/см3, 150С-та жұмсарады, 250 – 400С-та балқиды. Жанғанда хош иіс шығарады. Жақсы өңделеді, электр тогын өте нашар өткізеді, бензол мен күкіртті көміртекте жақсы ериді. Я. Балтық т. жағалауында, Польшада, Германияда, Данияда, Швецияда, Ұлыбританияда, АҚШ-та табылған. Ол оқшаулағыштық бұйымдар, Я. қышқылы мед. препараттар, сыр, т.б. дайындауға, зергерлік істе қолданылады.