Кәдімгі шолпанкебіс: Нұсқалар арасындағы айырмашылық

[[File:Cypripedium calceolus 02 mg-k.jpg|thumb| alt=A.| ''[[Кәдімгі шолпанкебіс]]''.]] '''КӘДІМГІ [[ШОЛПАНКЕБІС]]'''(Cypripedium calceolus) – [[сүйсіндер тұқымдасы]], [[шолпанкебіс туысы|шолпанкебіс туысына]] жататын көп жылдық [[өсімдік]]. [[Қазақстан|Қазақстанда]] [[Есіл (өзен)|Есіл]], [[Ертіс өзені|Ертіс өзендерінің]] жағалаулары мен [[Алтай таулары|Алтай тауларында]] кездеседі. Аралас және жалпақ [[жапырақты орман|жапырақты ормандарда]], бұталардың арасында және [[орман|орманның]] ашық жерлерінде өседі. Биіктігі 50 см-ге дейін, жер асты бөлігі жуан, [[тамыр|тамыры]] қатты және тамырсабақтары ұзын келеді. Сабағы қысқа түкті, түсі қошқылдау, құрғақ жапырақтармен оранған. Жапырағының пішіні жұмыртқа немесе [[эллипс]] тәрізді, түсі жасыл 3 – 4 жапырағы болады. Гүлінің диаметрі 8 см-ге дейін жетеді. Гүлсерігі екі шеңберге орныққан 6 жапырақшалардан тұрады және олар бір-бірінен пішіні мен түсі арқылы ажыратылады. Оның түсі жылтырақ сары, ішкі жағы қызыл нүктелі болып келеді. [[Өсімдік|Өсімдікті]] ұсақ [[қоңыздар]] тозаңдандырып отырады. [[Гүл|Гүлінде]] нәр болмаса да, ол ашық түсі және хош иісімен [[жәндіктер|жәндіктерді]] қызықтырады. Тұқымымен және [[вегетативті]] көбейеді. [[Маусым|Маусымда]] гүлдеп, жемістенеді. Жемісі – қорапша. Тұқымы доға тәрізді иілген қорапшаның ішінде 2 – 3 айдың ішінде жетіліп, [[қыс|қыста]] жерге төгіледі де, желмен алысқа тарайды. Кәдімгі шолпанкебіс – өте сирек кездесетін, жылдан-жылға таралу аймағы азайып бара жатқан түр болғандықтан қорғауға алынып, Қазақстанның «[[Қызыл кітап|Қызыл кітабына]]» енгізілген.<ref>[[Қазақ Энциклопедиясы]]</ref>

 

 

== Пайдаланылған әдебиеттер ==

<references/>