'''Айлауықтар тұқымдасы ''' (''Boragіnaceae'') – бір, екі немесе көп жылдық шөптесін [[өсімдік | өсімдіктер]]тер. 100-ге жуық туысы, 2000-дай түрі бар. Қазақстанда айлауықтар тұқымдасының 40 туысы, 130-дай түрі кездеседі. Сабағы [[цилиндр]] тәрізді, оған жай [[жапырақ | жапырақтары]]тары кезектесіп орналасады. Жапырағының сыртын қалың түк басқан. [[Гүлшоғыр | Гүлшоғыры]]ы бұйра, кейде қос бұйра. Толық жетілгенде жазылып, шашақ гүлшоғырына ұқсайды. Әрбір гүлінің 5 [[тостағанша]] және 5 күлте жапырақтарының негізі кірігіп, [[түтік]] түзеді. Аталығы 5, аналығы біреу болады, ол екі жеміс жапырағынан тұрады. Алдымен екі ұялы, кейін жалған пердемен бөлініп төрт ұялы, әр ұясында бірден тұқым [[бүршік|бүршігі]] жетіледі. Жемісі – 4 жаңғақша. Жемістері гүл қасы жапырақшаларының қасаңданып кеуіп кеткен түкті [[өсінді | өсінділері]]лері арқылы мал жүніне жабысып таралады. Айлауықтар тұқымдасы негізінен бал беретін және бағалы дәрілік өсімдіктер. Оның көптеген түрінің гүлінен ара бал жинайды. Бояғыштар жасау үшін де пайдаланылады. Мал сүйсініп жемейді.<ref>''[[Қазақ Энциклопедиясы]], 1-том''</ref>
