Зәйдилік: Нұсқалар арасындағы айырмашылық

'''Зәйдилік''' ({{lang-ar|زيدية}}) — [[шииттер]]дің қазіргі кездегі тармақтарының бірі. [[Имамия]] шиғасының төртінші имамы Әли ибн әл-Хусәйн [[Зәйн әл-Абидин]]нің ұлы [[Зәйд ибн Әли|Зәйдке]] (80—122/[[699]]—[[740]]), одан кейін ұлы Йахйаға (125/[[743]]) бағынып олардың имамдығын қабылдағандардың мазһабы болып табылады. [[Шиғалық мазһабтар|Шиға мазһабтарының]] ішінде [[Әһл әс-Сунна]]ға ең жақыны — зәйділік. Осы тұрғыдан зәйдилікті шиғадан деп санамайтын зерттеушілер де бар. Білімді,мәдениетті әрі тақуа кісі болған имам 3әйдтің атымен «зәйдия» деп аталған. [[Умәйя әулеті|Умәйялықтар]] кезінде қиын күндерді басынан кешірген Зәйд Умәйя мемлекетінің басшысы [[Һишам ибн Абдул-Малик]]пен сөйлескеннен соң қарсы шешім қабылдаған. [[Куфа|Куфаға]]ға келіп, көтеріліс жоспарын жасаған бауыры Әбу Джафар оған куфалықтарға сенбеу керектігін айтса да, оны тыңдамай, өзіне сеніп, ант берген он бес мыңдай куфалықпен бірге умәйялықтардың Куфа әкімі [[Юсуф ибн Омар әс-Сақафи]]ге қарсы көтеріліске шығады. Куфа әскері мен Зәйд әскері арасында соғыс жүріп жатқан кезде, халифа Һишамның тыңшылары оның әскерлері арасында келіспеушілік туғызатын үгіттер жүргізген. Имам Зәйдке «[[Әбу Бәкр]] мен [[Омар]] туралы өз көзқарасыңды айт, әйтпесе саған көмек бермейміз» деген. Имам Зәйд: «Бұл екеуі туралы жаксылыктан басқа ештеңе айта алмаймын, әкемнің де бұлар туралы тек жақсы нәрсе айтқанын естігенмін. Мен [[Медине|Мединеге]]ге шабуыл жасаған Умейя хандығына қарсы көтеріліске шықтым», — дейді. Бұл жауаптан кейін адамдар одан кетеді. Оның қасында аз ғана адам қалады, бірақ олар өлгенше соғысады. Зәйд осы соғыста өлтірілген еді. Кейіннен аман қалған Зәйдтің жақтастарының өз араларында келіспеушіліктер туындап, '''жарудия''','''суләймания''' және '''бетрия''' деген топтарға бөлінген.