Сарықанатты сфекс

Сарықанатты сфекс - сирек кездесетін түр. Қазақстандағы қазғыш аралардың ежелгі туысының ең ірі және ашық боялған өкілдерінің бірі болып табылады. Оңтүстік Еуропа, Солтүстік Африка, Оңтүстік Батыс Азия, Орта Азия, Оңтүстік Қазақстанда таралған. Қазақстанда сазды және тасты шөлдерде, тау етегі далаларында, сазды және тасты топырақты аласа тауларда тіршілік етеді. Аналықтары ұясын жерге салады. Қор ретінде ірі шегірткелерді (Tettigonidae тұқымдасы), мысалы, Desticus туысы түрлерін немесе шілделік қара шегірткелерді (Gryllidae тұқымдасы) ұстайды. Бір ұяшыққа 3-4 шегірткені қор ретінде жинайды. Санының азаюына, сірә, ұяларын мал мен автокөліктердің бұзуы, табиғи биоценозды адамдардың шаруашылық жұмыстары бүлдіруі әсер етеді.

Пайдаланылған әдебиеттер

"Ғажайып омыртқасыздар. Қазақстан Қызыл кітап беттерінен" - Алматы: Алматыкітап баспасы, 2009