''' Сабыржан Шүкірұлы ''' 1939 жылы 12 тамызда [[Қостанай облысы| Қостанай облысының]]ның Әулиекөл ауданында дүниеге келген. Қаламгерлік еңбек жолын осы облыстың Жангелдин аудандық «Социалистік ауыл», кейін «Жаңа өмір» - «Новая жизнь» газеттерінде әдеби қызметкер, аудармашы, бөлім меңгерушісі болып бастаған. Комсомол, партия қызметтерінде болған. [[ҚазҰУ]] -дің журналистика факультетін, Алматы жоғары партия мектебін бітірген. 1974-1991 жылдары «Социалистік Қазақстан» газетінің Торғай облысындағы меншікті тілшісі, бөлім меңгерушісі, Бас редактордың орынбасары, ал 1991 жылдан «Сұхбат» және «Позиция» хабаршыларының Бас редакторы, 1996-2006 жылдары «Ана тілі» ұлт газетінде Тіл және этнография бөлімінің редакторы болып қызмет атқарды. [[Қазақстан Журналистер Одағы|Қазақстан Журналистер одағының]], [[Қазақстан Жазушылар Одағы|Қазақстан Жазушылар одағының]] мүшесі. «Тамаша өмір», «Шақшақ Жәнібек», «Нақпа-нақ» т.б. кітаптардың және Алаш тұлғаларына қатысты мақалалардың авторы. Алматыдағы [[Байтұрсынұлы, Ахмет|Ахмет Байтұрсынұлының]] мұражай - үйі ғылыми кеңесінің мүшесі.<ref>«Алаш» қозғалысы. Алматы, 2008. ISBN 9965-32-715-7</ref>