Ебі желі

Үлгі:Қорық аймақ‎ Ебі желі  – Жетісу (Жоңғар) Алатауының солт.-шығысындағы Ебінұр көлінен Жетісу (Жоңғар) қақпасы арқылы соғатын сұрапыл дауыл. Е. ж. Борохоро және Майлы жоталары аралығында жатқан Ебі жазығында жоғары қысымды антициклон мен төмен қысымды циклонның тоғысуынан пайда болады. Желдің жылд. 60 – 80 м/с-қа жетеді. Негізінен қазан – ақпан аралығында жиі болады, жазда саябырлайды. Жылына 70 – 100 күндей соғады. Ұзақт. 3 – 7 тәулікке дейін созылады. Е. ж. шаруашылыққа, жол қатынасына, балық аулауға үлкен нұқсан келтіреді, кейде құрылыстар мен ғимараттарды қиратып кетеді. Е. ж. туралы ғыл. деректі Ш.Уәлиханов жазған.