Жебір

Үлгі:Қорық аймақ‎ Жебір  (Thymus) — ерінгүлділер тұқымдасына жататын хош иісті шала бұта. Қазақстанның далалы, жазық жерлерінде, қиыршық тасты тау бөктерлерінде өсетін 27 түрі бар. Көбірек тарағандары: кәдімгі Ж. (Th. vulgarіs), маршал Ж-і (Th. marschallіanus) және қызғылт Ж. (Th. roseus). Биікт. 1 — 25 см. Сабағы түп жағынан сүректеніп қатайып кеткен. Жапырағы бүтін жиекті, сағақты, кейде сағақсыз. өсақ, қызғылт, күлгін кейде ақ түсті гүлдері шоғырбас гүлшоғырын құрайды. Гүлдері қос жынысты, аталығы — 4, аналығы — біреу, тостағанша жапырағы да, күлте жапырақшасы да — бесеу. Мамыр — тамыз айларында гүлдеп, маусым— қыркүйекте жеміс береді. Жемісі — жаңғақша. Ж-дің құрамында эфир майы көп. Одан алынатын тимол медицинада, парфюмерияда және тамақ өнеркәсібінде пайдаланылады.