'''Зәңгі''' – [[ҚытайҚытайда қазақтарытұратын қазақтар]] арасында қолданылған ең төменгі әкімшілік лауазым. [[Ресей империясы]] кезіндегі “старшын” лауазымымен дәрежелес. “Зәңгі” сөзі [[қытай]] тіліне тунгус-маньчжур халықтарының құрамындағы сібе-солақ тайпасының диалектісінен ауысқан. Шағын руды билеген Зәңгі лауазымы [[Цинь империясы]] кезеңінен (1616 – 1911) бастап қолданыла бастаған. Алғашқыда жоғарыдан тағайындалып қойылған. 20 ғ-дың басында шар тастау жолымен сайланатын болды. Қытайдағы Іле аймағында тұратын қазақтар болысты ақалақшы деп атаса, [[Шәуешек]] пен [[Алтай]] аймағында тұратын қазақтар үкірдай деп атаған. Бір ақалақшы немесе бір үкірдай қарамағында адам санына қарай бірнеше Зәңгі болған.<ref>[["Қазақ Энциклопедиясы"]],4 том 3 бөлім</ref>
