Аналитикалық геометрия: Нұсқалар арасындағы айырмашылық

Жазықтықтағы координаттар әдісінің негізгі идеясы – L сызығының геом. қасиеттерін осы сызықты сипаттайтын '''''Ғ (х, у) = 0''''' теңдеуін аналит. және алгебр. жолмен зерттеу. Жазықтықтағы А. г-да 1- және 2-реттік алгебр. сызықтар жүйелі түрде зерттеледі. 1-реттік сызықтар – түзу сызықтар және олар бір дәрежелі '''''Ах + Ву + С = 0''''' алгебр. теңдеуімен, ал 2-реттік қисық сызықтар '''''Ах2 + Вху + Су2 + Dх + Еу + Ғ = 0''''' теңдеуімен сипатталады. 2-реттік қисық сызықтарға эллипс, гипербола, парабола қисықтары жатады. Табиғатта өте жиі кездесетін бұл қисықтардың негізгі қасиеттері А. г-да толық анықталған. Кеңістіктегі А. г-да координаттар әдісі жазықтықтағы әдіске толық ұқсас етіп қарастырылады. Мұнда кез келген М нүктесі х – абсцисса, у – ордината және z – аппликата координаттары арқылы анықталады. Кеңістікте орналасқан S бетін Oxyz координаттар жүйесіне қатысты '''''F = (x, y, z) = 0''''' теңдеуімен сипаттауға болады. Кеңістіктегі А. г-да '''''Ах + Ву + Сz + D = 0''''' теңдеуімен анықталатын 1-реттік беттердің (жазықтықтардың) және '''''Ах2 + Ву2 + Сz2 + Dху + Еуz + Ғхz + Gх + Ну + Мz + N = 0''''' теңдеуімен анықталатын 2-реттік беттердің (эллипсоидтың, гиперболоидтың, параболоидтың) қасиеттері зерттеледі. <br />

Қазақстанда аналитикалық геометрияның дамуына профессорлар [[Закарин|А.З.Закарин]], [[Крамер|Ф.Д.Крамер]], [[Стрельцов|В.В.Стрельцов]], доценттер [[Аяпбергенов|С.А.Аяпбергенов]], [[Исқақов|М.У.Исқақов]], [[Юсупов|Ж.Ш.Юсупов]], [[Хмелевский|Э.И.Хмелевский]], т.б. айтарлықтай үлес қосты.