'''Ақшатау жотасы ''' – [[Сарыарқа]]ның оңтүстік-шығысындағы [[жота]]. [[Шығыс Қазақстан облысы|Шығыс Қазақстан облындағы]]ндағы [[Абай ауданы|Абай]], [[Аягөз ауданы|Аягөз аудандары]] жерінде, [[Шыңғыстау]] жотасының оңтүстігінде орналасқан. Солтүстік-батыстан оңтүстік-шығысқа қарай жалғаса созылып жатқан Қарақшы (биіктігі 1151 м), [[ЖалтұмсықЖалтыртұмсық]] (биіктігі 1169 м), Қособа (биіктігі 1304 м) сияқты бірнеше жеке таулар мен шоқылар тізбегінен тұрады. Оларды [[Арсалаң өзені|Арсалаң]], [[Ақшатау өзені|Ақшатау өзендерінің]] аңғарлары бөліп жатыр. Жотаның оңтүстік-батыс беткейі тіктеу, жартасты, биіктігі 1300 м-ден 1000 м-ге дейін күрт төмендейді. Солтүстік-шығыс беткейі еңістеу, бірте-бірте көлбеуленіп жазыққа айналады. Ақшатау жотасы палеозойдың ''кварцит, құмтас, әктас, конгломерат, эффузивті'' жыныстарынан құралған. Оңтүстігінен [[Балқыбек өзені]], [[Көксала өзені]], [[Қалғұтты өзені]], шығысынан [[Сарыбұлақ өзені]], солтүгінен [[Шетембай өзені]], [[Терісайрық өзені|Терісайрық өзендері]] [[бастау]] алады. Жотаның жалпақ төбелері мен беткейлерінің қоңыр топырағында далалық өсімдіктер ([[қараған]], [[тобылғы]], [[тасжарған]], т.б. бұталар) өседі. Сайларында шоқ [[қайың]], [[көктерек]], [[тал]] өседі. [[Мал]] жайылымына қолайлы.<ref>Қазақстан Республикасының табиғаты туралы энциклопедия, V- том</ref>
<ref>Қазақстан Республикасының табиғаты туралы энциклопедия, V- том</ref>
