Ш.Уәлиханов атындағы Көкшетау университеті

Үлгі:Қорық аймақ‎ Көкшетау мемлекеттік университеті , Ш.Уәлиханов атынд. – жоғары оқу орны. 1996 ж. 7 мамырда Қарағанды политех. ин-тының бөлімшесі, Ш.Уәлиханов атынд. Көкшетау пед. ин-ты және С.Сәдуақасов атынд. а. ш. ин-ты негізінде ұйымдастырылды. Қарағанды политех. ин-тының бөлімшесі Қарағанды политех. ин-тының құрамына 1972 ж. берілген Павлодар индустриалды ин-тының жалпы тех. ф-ті негізінде 1993 ж. құрылған. Ин-т Өндірістік және азаматтық құрылыс, Құрылысты басқару және экономика, Машина жасау технологиясы, т.б. салалар бойынша мамандар даярлады. Ш.Уәлиханов атынд. Көкшетау пед. ин-ты 1962 ж. құрылған. Оның құрамында физика-математика, филология, жаратылыстану, шет тілдер, химия және биол. ф-ттері болды. 1965 ж. ин-тқа Ш.Уәлиханов есімі берілді. С.Сәдуақасов атынд. а. ш. ин-ты 1991 ж. Целиноград а. ш. ин-ты негізінде құрылған. Құрамында агрономия, зооинж., а. ш-н механикаландыру және экон. ф-ттері болды. 3 жоғары оқу орны біріктірілгеннен кейін, құрамындағы (күндізгі және сырттай бөлімдерде) филол., экон., шет тілдер және тарих, инж.-пед. және а. ш. ф-ттерінде 32 мамандық бойынша 5000-нан астам студент білім алады. Ун-ттің материалдық және ғыл.-тех. базасы қалыптасқан; электрондық баспа техникасы, машина-трактор оқу паркі, дәнекерлеу және жөндеу шеберханалары, жастар орт., студенттердің жаздық спорттық-сауықтыру кешені, кітапхана, дәрігерлік орт., “Арасан” сауықтыру кешені жұмыс істейді. Ун-т жанында гимназия және лицей, магистратура, аспирантура, кәсіптік мамандық бойынша оқытуға маманданған оқу орт. жұмыс істейді. Ун-тте оқулықтар, ғыл. еңбектер, монографиялар, “Алау” газеті шығарылады, респ. және халықар. конференциялар, “Уәлиханов оқулары” өткізіледі. Ресей, Египет, Польша, АҚШ, Канада, Германия ғыл. орталықтарымен байланыстар орнатылған. Агр.-тех. және экон. мамандықтар бойынша Еур. Одақ ұйымының “ТАСИС” және “ТЕМПУС” бағдарламаларына қатысады. Ун-тте спорттық үйірмелер, көркемөнерпаздар шығарм. ұйымы жұмыс істейді. Ун-т спортшылары боксшы Р.Б. Мусинов 2-Азия ойындарының күміс жүлдегері, ҚР-ның бірнеше дүркін чемпионы; жеңіл атлет А.В. Князев – ҚР-ның чемпионы.