Инеліктер: Нұсқалар арасындағы айырмашылық

[[File:Orthetrum cancellatum.jpg|thumb|200px|Инелік|right]]

'''Инеліктер''' (''Odonata'') – [[жәндіктер]] класының бір отряды.Олар жыртқыш жәндіктер . Қазба қалдықтары [[тас көмір кезеңі]]нен сақталған. Жер шарында кең тараған. Негізінен тропиктік және субтропиктік белдеулерде кездеседі. Қанаттарының құрылысына қарай Инеліктер: [[теңқанаттылар]]ы (Zygoptera), әр түрлі қанаттылар (Anisoptera) және Anisozygoptera (тек [[Жапония]] және [[Үндістан]]да ғана кездеседі) отряд тармақтарына бөлінеді. Инеліктердің 4500-ден астам түрі белгілі. Қазақстанда 7 түрі қорғауға алынып, [[Қазақстанның «Қызыл кітабына»]] енгізілген. Ұзындығы 14 – 120 мм. Құрсақ бөлімі жіңішке әрі ұзын. Аузы кеміруге бейімделген. Өте үлкен фасетті көздері басының жоғарғы бөлігін алып жатады. Мұртшалары қысқа, көзге әрең көрінеді. Қанаттары торланып жүйкеленген. [[File:Dragonfly eye 3811.jpg|thumb|200px|[[Фасетті көздері]]|left]] Басқа жәндіктерден ерекшелігі: арқа – құрсақ қанатының бұлшық еттері жақсы дамыған, тыныштық күйде қанаттарын денесіне жинамай, жайып жібереді. Инеліктер – дара жыныстылар, шала түрленіп дамиды. [[Жұмыртқа]]ларын суға немесе су өсімдіктерінің сабағына салады. [[Дернәсіл]]дері су астындағы заттарға жабысып тіршілік етеді. Қорегін (ұсақ су жәндіктерін, т.б.) астыңғы ерні арқылы ұстайды. Қыстап шыққан дернәсілдері келесі жылы жазғытұрым бірнеше рет түлеп, маусым айында ересек Инеліктерге айналады. Ересек Инеліктер тұщы суқоймаларының маңында жиі кездеседі. [[Шыбын]], [[маса]], [[шіркей]], ұсақ жәндіктерді ауада ұшып жүріп ұстайды. Инеліктер – пайда келтіретін [[энтомофаг]]тар. Дернәсілдері – балықтың, су құстарының қорегі.<ref name=source1>Балалар энциклопедиясы</ref>

Инелік, көрнекті инелік, шоқпарқарын инелік — жәндіктер класының, инеліктер өтрядына жататын түр. Жапония, Қытайдың солтүстік бөлігінде, [[Орта Азия]]да кең тараған. Дене тұрқы ірі келген, қанаттарында ашық түсті өрнектері бар.