Электрондық музыка: Нұсқалар арасындағы айырмашылық

 

ХХ ғасырдың 60-жылдарына қарай бағасы қолайлы электрондық синтезаторлар шығарыла бастаған кезден бастап, электрондық музыка кең өріс ала бастады. Өздерінің бағасының төмен болуына байланысты синтезаторлар тек ірі дыбыс жазу студияларына ғана емес, қарапайым жұртшылықтың да қолына түсті. Бұл бұқаралық (поп) музыка келбетінің өзгеріске ұшырауына әсерін тигізді – көптеген орындаушылар өз шығармашылығында синтезаторларды пайдалануды әдетке айналдырды. Бүгінде электрондық музыканың эксперименталдық академиялық музыкадан бастап, бұқаралық би музыкасы салаларын қамтитын түрлері бар.