Португалия: Нұсқалар арасындағы айырмашылық

'''Португалия, Португалия Республикасы'''<ref name="source1">Қазақстан энциклопедиясы, VII-том</ref> — Оңтүстік-Батыс Еуропаның қиыр шетінде, [[Атлант мұхиты]] жағалауында орналасқан мемлекет. [[Пиреней түбегі]]нің батыс бөлігін және ''Азор'', ''Мадейра аралдарын'' алып жатыр. Солтүстігі мен шығысында [[Испания]]мен, ал оңтүстігі мен батысын [[Атлант мұхиты]] шайып жатыр. Ел аты Порту (лат. Portus Cale — «жылы кемежай») қаласы атынан бастау алады. Жер көлемі 92,1 мың км². Халқы 10,1 млн. (2000). Халқының 99%-ы ''[[португалдар]]'', қалғанын ''[[испандықтар]]'' мен ''[[бразилиялықтар]]'' құрайды.Бұдан 2000 жыл бұрын Европаның Оңтістік-Батысында Иберия түбегін (Қазір ол Пиреней деп аталады) Лузитан деген көне тайпа мекен етті.Олар түбекті тегіс жайлаған жоқ,оның Атлант мұхитына сұғынған бір бөлігінде ғана тұрды.

[[Сурет:Portugal administrative map-fr.svg|thumb|left|Португалияның саяси картасы]]Ресми тілі — [[португал тілі]]. Халқы [[католик діні]]н ұстанады. Астанасы — [[Лиссабон|Лиссабон қаласы]] Әкімшілік-аумақтық жағынан 18 округ және 2 автономиялық облыстан тұрады. 1976 ж. қабылданған конституциясы бойынша елді [[Президент]] басқарады. Жоғарғы заң шығарушы органы — бір палаталы республикалық жиналыс. Атқарушы билік үкіметтің қолында. Ұлттық мейрамы — Португалия күні — 10 маусым (1580). [[Біріккен Ұлттар Ұйымы|БҰҰ-ға]] (1955), Еурокеңеске (1976), [[НАТО|НАТО-ға]]-ға (1949) және [[Еуропалық одақ|Еуроодаққа]] (1993) мүше. Ақша бірлігі — ''эскудо''.

[[Сурет:Eurozone.svg|thumb|Португалия Еурокеңеске(көкпен боялған) мүше]][[Сурет:Portugal EU.svg|thumb|left|Португалия - ЕО мүшелерінің бірі]]Португалия ''индустриалды-аграрлы'' ел. Елде металл өңдеу, химия, мұнай өңдеу, тігін, балық консервілеу, шарап жасау өндірістері жақсы дамыған. Соңғы жылдары кеме жасау және жөндеу, электр жабдықтары, күкірт қышқылы, тыңайтқыш, тоқыма, аяқ киім өндірісі дамуда. Халқының 20%-ы ауыл шаруашылығында жұмыс істейді. Басты ауыл шаруашылығы өнімдері — астық өнімдері (бидай, күнбағыс), картоп, жүзім, зәйтүн жемісі, ет және сүт өнімдері алынатын мал шаруашылығы дамуда. Елге туризм едәуір табыс әкеледі. Экспортқа тігін және тоқыма өнеркәсібі өнімдерін, шарап тығынын (әлемде алдыңғы орында), ағаш өнімдерін, шарап, аяқ киім, қағаз, балық және балық өнімдерін, электр жабдықтарын шығарады. Сырттан отын-энергия өнімдері, химиялық өнімдер, құрал-жабдықтар, азық-түлік, көпшілік тұтынатын тауарлар әкелінеді. Ұлттық табыстың жан басына шаққандағы мөлшері 13 840 АҚШ долл. (1997). Негізгі сауданыа серіктестері: Ұлыбритания, Германия, Франция, Италия және АҚШ.<ref>Қазақ энциклопедиясы</ref><ref>Варьяш О.И., Черных А.П., Португалия: дороги истории, М., 1990</ref><ref>Капланов Р.М., Португалия после второй мировой войны 1945 — 1974, М., 1992</ref><ref>История Испания и Португалии, М., 2002</ref>