Франсуа Миттеран: Нұсқалар арасындағы айырмашылық

МИТТЕРАН ФРАНСУА (26. 10.1916, Франция, Жарнак қаласы – 8.1.1996, сонда) – саяси қайраткер, Франция президенті (1981 – 95). Париж университетін бітіріп, журналист, адвокат қызметтерін атқарған. 2-дүниежүзілік соғыста француз қарсыласушылар қозғалысына қатысты. 1946 жылы парламент мүшесі болып, 1947 – 58 жылдары Франция үкіметінің құрамында әр түрлі дәрежедегі қызметтер атқарды: 1954 – 55 жылдары Ішкі істер, 1956 – 57 жылы. Әділет министрі болды. 1958 жылы Шарл де Голль 5-республиканы құрмақ болғанда алғаш рет МИТТЕРАН ФРАНСУА оппозициялық топ ұйымдастырды. 1959 – 62 жылы сенатор, 1953 – 65 жылдары Демократиялық және социалисттік қарсыласу одағы партиясын, 1965 – 68 жылдары Демокр. және соц. солшыл күштер федерациясын басқарды. М. – француз соц. партиясының негізін салушы, 1971 – 82 ж. оның бірінші хатшысы болды. 1981 және 1988 ж. екі рет Президент болып сайланды. М. Франция тарихындағы социалистерден шыққан тұңғыш президент. Ол Еур. Одақты (ЕО) қалыптастыруда үлкен рөл атқарды. Соц. жүйеден бас тартқан Орт. және Шығыс Еуропа елдерін (Польша, Чехия, Венгрия, т.б.) ЕО-ға тартуды жақтады. 1991 ж. КСРО тарағаннан кейін құрылған ТМД елдерімен (соның ішінде Қазақстанмен) тығыз дипломат. байланыс орнатты. М. көзі тірісінде “тарихтың ағымын түзеген мемлекет қайраткері” атанды. М. жетекші еур. елдер басшыларынан алғашқылардың бірі болып 1993 ж. Қазақстан Республикасына келді.