Қазақстанның кен ресурстары: Нұсқалар арасындағы айырмашылық

Қазақстанда түсті металдар шикізатының ірі базасы қалыптасқан. Олардың ішінде жетекші орынды мырыш, қорғасын және мыс кендері алады. Бұл металдардың республикадағы қоры бойынша тиісінше әлемде бірінші, екінші және үшінші орын алады. Олар Қазақстан түсті металлургиясы базалық кәсіпорындарының ([[Жезқазған кен-металлургия комбинаты|Жезқазған]], [[Балқаштүстіметалл|Балқаш]], [[Ертіс Полиметалл Комбинаты|Ертіс мыс]], [[Шымкент қорғасын зауыты|Шымкент]], [[Риддер-Сокольный полиметалл кен орны|Риддер]], [[Өскемен қорғасын-мырыш комбинаты|Өскемен қорғасын мен мырыш]], [[Павлодар алюминий зауыты|Павлодар алюминий қорыту]] зауыттары) шикізат көзі болып табылады. Қазақстан әлемдегі ірі мыс өндіруші елдердің бірі. Республика аумағында мыс кентасының порфирлі, мысты құмтас, колчеданды, скарндық мысты-цеолитті, мысты-никельді, т.б. кен орындарының көптеген түрлері белгілі. Мыс кентасының ірі кен орындарына [[Жезқазған мыс кен орны|Жезқазған]], [[Қоңырат мыс кен орны|Қоңырат]], [[Ақтоғай мыс кен орны|Ақтоғай]], Айдарлы, [[Жаман АйбатЖомарт мыс кен орны|Жаман-Айбат]], [[Бозшакөл мыс кен орны|Бозшакөл]], [[Көксай мыс кен орны|Көксай]], Қасқырмыс, Нұрқазған (Самара), т.б. жатады. Жекелеген кен орындарының (Жезқазған мыс кен орны, Жаман Айбат мыс кен орны) мыс қоры 10 млн. т-дан асады.

Қорғасын мен мырыштың 100-ден аса кен орындары анықталып, 58-і балансқа алынған. Олардың негізгі қоры Шығыс Қазақстанда ([[Кенді Алтай]]) және Орталық Қазақстанда шоғырланған, сондай-ақ, Оңтүстік Қазақстанда да ([[Қаратау полиметалл белдеуі|Қаратау]]) кездеседі. Қазір қорғасын мен мырыштың 30-ға жуық кен орындары игерілуде. Алюминий шикізаты ретінде ең көп таралғаны – [[боксит.]]. Қазақстанда бокситтің қоры көп. Анықталған 200 кен орны мен кен білінімдерінің (есепке алынғаны) 50-ден астамы платформалық типті. Олардың ішіндегі ірілері: [[Краснооктябрь боксит кен орны|Краснооктябрь]], [[Белинский боксит кен орны|Белинское]], Тауынсор, [[Әйет боксит кен орны|Шығыс Әйет]], [[Көктал боксит кен орны|Көктал]], [[Наурызым боксит кен орны|Наурызым]], Жоғарғы Әйет, [[Арқалық боксит кен орны|Арқалық]] кен орындары. Бұлардың барлығы Торғай ойысында орналасып, Батыс Торғай, Шығыс Торғай ([[Амангелді бокситті кен орны|Амангелді]]) және Орталық Торғай бокситті аудандарын құрайды.