Хәрри Поттер: Нұсқалар арасындағы айырмашылық
Content deleted Content added
шӨңдеу түйіні жоқ |
Өңдеу түйіні жоқ Тег: санат(тар)ын аластады!! |
||
1-жол:
'''Гарри Поттер'''
''Гарри Поттер'' – ағылшын жазушысы, Джоан Роулинг, жазған 7 томдық қиял-ғажайып кітаптар жинағы. Кітаптағы ең басты кейіпкерлер Хогвартс Мыстандар мен Сиқыршылары мектебінің оқушысы Гарри Поттер және оның достары Роналд Уизли мен Гермиона Грейнджер. Бұл кітаптың ең басты сюжеті сиқыршы бала Гарри Поттер мен лорд Волан-де-Морт атты оқиғаның зұлым сиқыршысына қарсы тұру. Лорд Волан-де-Морттың көздеген мақсаты – мәңгі өмір сүру және сиқыршылар әлемін қол астына алу.
Бұл кітаптың жинағын бірнеше жанрға қосуға болады, солардың ішінде: қиял-ғажайып, жасөспірім әдебиеті, шытырман оқиғалық, триллер, детектив және ғашықтық. Шығарма балаларға арналса да, автордың сөзіне сүйенетін болсақ, шығарманың негізгі тақырыбы өлім болып табылады[1].
Гарри Поттер әлемге тек кітап ретінде ғана танымал емес, сонымен қатар осы шығармаға “Warner Bros. Pictures” кинокомпаниясы сегіз фильмдік жиынтығын шығарған. Бұл франшиза әлемдегі ең табысты фильмдер жиынтығының тізімінде екінші болып, 7,7 млрд доллар табыс тапқан[2].
1997 жылдың 30 маусымында көптомдық
1. Гарри Поттер және Философ Тасы (1997)
2. Гарри Поттер және Құпия Бөлме (1998)
3. Гарри Поттер және Азкабан Тұтқыны (1999)
4. Гарри Поттер және Жалын Кубогы (2000)
5. Гарри Поттер және Феникс Ордені (2003)
6. Гарри Поттер және Қаны Аралас Ханзада (2005)
7. Гарри Поттер және Өлім Сыйлары (2007)
'''Гарри Поттер және Философ Тасы'''
▲1997 жылдың 30 маусымында көптомдық кітаптардың бірінші бөлімі жарыққа шықты ("Гарри Поттер және Философ Тасы"). Дәл сол уақыттан бастап ол үлкен атаққа ие болып, дүйім жұртқа аты тез тарады. 2011 жылдың маусым айындағы сараптамада кітаптардың 450 миллион көшірмесі сатылғанын, әлем тарихындағы ең тез сатылған кітап аталып, 67 тілге аударылғаны көрсетілген, сонымен қатар, жазылған кітаптардың соңғы төртеуі ең тез сатылған кітап атағымен жаңа рекорд орнатқан.
Ең мықты әрі зұлым сиқыршы лорд Волан-де-Морт Гарри Поттердің ата-анасын, Лили және Джеймс Поттер өлтіргеннен кейін, Гарридің өзін өлтіргелі тұрғанда, белгісіз бір себеппен Гарриді өлтіре алмай, маңдайында найзағай бейнесінде тыртық қалдырып жоғалып кетеді. Зұлым сиқыршының жоғалып кеткенін барлық сиқыршылар әлемі тойлап жүргенде, Хогвартс мектебінің директоры профессор Альбус Дамблдор Хогвартстың профессоры Минерва Макгонагалл және орманшы Рубеус Хагридпен бірге Гарриді Лилидің апасы Петунья Дурсльдің үйінің алдында тастап кетеді. Жалғыз туысқандардың оны жек көргеніне қарамастан Гарри осы үйде 10 жылдай тұрады. Осы уақытқа дейін Гарри Дурсльдің сөздеріне сеніп, өзінің ата-анасының автомобиль апатында қайтыс болған деп ойлап келеді. Алайда, Гарри өсе келе өзінің бойындағы сиқыршылық қабілеті дами бастайды, сонымен қатар, сол жылы Гарриге көптеген хаттар келе бастайды. Дурсль оларды Гарриге бермей қанша жойып жіберсе де, хаттар сол үйге толып келе берді. Сол хаттар легінен қашам деп Дурсль отбасы Гарримен бірге бір кішкентай қаңқада тығылып қалады. Сол түні сол жерге Рубеус Хагрид келіп, Гарриге оның ата-анасы туралы және Гарридің өзі туралы барлық шындықты айтып береді және сол хатта Гарридің Хогвартс мектебіне оқуға шақыру туралы жазылған. Барлығына көзі жеткен Гарри бұл шақыруға қуана келіседі.
Келесі күні Хагрид пен Гарри Гринготтс банкісінен Гарридің оқуына керек нәрселер алу үшін ақша мен құпия қоймадан түйіншек алады. 1 қыркүйек күні Гарри Хогвартс мектебіне бару үшін 9 ¾ платформасына келіп, поездға мінеді. Бұл жерде Гарри өзінің достары: Рон Уизли және Гермиона Грейнджермен танысады. Ұзақ жолдан кейін оқушылар Хогвартс мектебіне келгенде, оларды 4 түрлі факультетке бөледі. Бұл факультеттер: Когтевран, Пуффендуй, Слизерин және Гриффиндор. Гарри, Рон және Гермиона үшеуі де Гриффиндор факультетіне түседі.
Оқудың бір күндері, Гарри мен Хагридтің Григоттсқа барған күні, белгісіз адамдар келіп, сейфтегі түйіншекті ұрлағысы келгенін Гарри “Күнделікті Пайғамбар” сиқыршылар газетінен оқып біледі. Осы мақаланы оқығаннан кейін Гарридің есіне Хагрид сол түйіншекті алып, Дамблдорға апарғаны есіне түседі. Сонымен қатар, Гарри, Рон және Гермиона Хогвартстағы оқушыларға кіруге болмайтын бір бөлмеде, үлкен үш басты иттің белгілі бір люкті қорғап тұрғанын кездейсоқ көріп қояды. Олардың пайымдауынша Пушоктың қорғап жатқан нәрсесі банктегі сейфтен ұрланғалы жатқан түйіншек деп ойлайды. Осы ойды дәлелдей алатын Хагридтің айтып қалған сөзі бар: Хогвартста Дамблдор мен Николас Фламелге байланысты бір нәрсе жасырылған. Осы сөздерді естіген үш дос Никилос Фламелдің кім екенін іздестіре бастайды. Көптеген уақыт бойы таба алмай жүргенде, Гарри Фламел атты есімді бір карточкадан байқайды және сол карточкада Дамблдор Николасқа ең алғаш және жалғыз философ тасын құруға көмектескені туралы жазылған, сонымен қатар, осы тастың Хогвартста және оны профессорлер қорғап жүргені туралы Хагрид айтып береді.
Кейінірек Гарри Хагрид айдаһарды асырап жүргенін біледі. Бұған рұқсат жоқ екенін білген достар, бұл айдаһарды Ронның ағасы Чарли Уизлиге тапсырады. Алайда, бұл оқиға туралы Драко Малфой біліп, күзетші Филчке айтып береді. Осыны естіген профессор Макгонагалл бұл оқиғаға сенбейді, алайда түннің кеш уақытында оқушылардың мектептен тыс жерде жүргені үшін әрқайсысынан жеке 50 балл алады, сол себепті Гриффиндор факультет арасындағы жарыста соңғы болып қалады. Сонымен қатар, 4 оқушыны, соның қатарында Малфойды да Хагридпен бірге орманға жібереді. Сол орманда біреу жалғыз мүйізді өлтіргенін және оның мақсаты өзінің өмірін созу екенін естіген Гарри, Рон және Гермиона сол қылмысты істеген Волан-де-Морт екенін түсінеді. Сол түннен кейін Хагрид оған дракон ұсынған адамға үш басты итті әнмен ұйықтатуға болатынын айтқанын Гарриге мойындады. Сол себепті, Гарри, Рон және Гермиона сиқыр мантияны жамылып алып, сырт көзге көрінбей Фиолософ Тасын алып кету туралы шешім қабылдайды. Осы мақсатына жету үшін олар көптеген кедергілермен бетпе-бет кездеседі. Ақырында, ең соңғы бөлмеде Гарри философ тасын ұрлағалы тұрған профессор Квирреллді көреді. Квирреллдің денесіне Волан-де-Морттың кішкене ғана мүшесі қосылып тұрғанын Гарри көріп таңғалады. Гарри қолындағы философ тасын қорғау үшін бар күшін салып, Квирреллді жеңеді.
Волан-де-Мортпен кездескеннен кейін Гарри біраз уақыт ауруханада емделіп жатады. Дамблдор Гарриге келіп, оның Волан-де-Морттан қорғанып, тірі қалғанның себебі анасының өз өмірін қиып баласын қорғағандығымен түсіндіреді. Сонымен қатар Фламель Волан-де-Морт қайта келіп, Философ тасын ұрламасын деп, бұл тастың көзін жояды.
'''Гарри Поттер және Құпия Бөлме'''
Гарри Поттер шығармасының екінші кітабы Гарридің 12 жылдық туған күнінен басталады. Оқу жылын аяқтағалы, Гарри өз достарынан ешқандай жаңалық естімей, жазған хаттарына жауабын да алмайды. Алайда сол түнде Рон өзінің егіз ағалары Фред және Джорджпен бірге әкесінің ұшатын көлігімен Гарриді өздерінің үйіне алып кетеді. Оқу жылы жақындағанда Гарри Уизли отбасымен бірге оқуға керек нәрселерін сатып алады. Хогвартс мектбіне бару үшін олар Кингс-Кроос вокзалына Артур Уизлидің (Ронның әкесі) ұшатын көлігімен барады. Хогвартсқа баратын поезд 9¾ платформасынан жүреді, алайда бұл платформаға апаратын барьерден Гарри мен Рон белгісіз бір себептен өте алмайды. Не істерін білмей, Рон әкесінің көлігі арқылы Хогвартсқа баруды ұсынады. Басқа амалды көрмеген Гарри осы ұсынысқа келісіп, екі дос Хогвартс мектебіне жетеді. Алайда, мектепке барарда олар ормандағы ысылдағыш талға соқтығысады. Осы оқи,аны естіген профессор Снегг пен Макгонагалл екеуіне ұрысып ескерту жасайды. Оқу жылы басталды, мектепте барлық оқушы Зұлым Сиқырдан Қорғану сабағының жаңа профессоры, Локонс туралы айта беруден жалықпайды. Алайда Локонс бұл сабақ туралы ештеңе де білмейді және сабағында өзінің ерліктері туралы айтудан шаршамайды.
Мектепте Хэллоуин кезінде үш дос су-су болып тұрған бөлмеде Филчтің мысығы, Миссис Нористің ілініп тұрғанын және де осы бөлменің қабырғасында қанмен жазылған жазбаны көреді. Бұл жазбада “Құпия бөлме ашық! Ізбасардың жаулары, қорқыңдар!” – деп жазылған. Сәлден кейін сол бөлмеге барлық профессор, сонымен қатар, профессор Дамблдорда жиналады. Дамблдор Миссис Норристің тірі екенін және оны емдейтін дәрі дайындау үшін бірнеше ай керек екенін айтады. Келесі күні Гермиона профессор Бинстен Құпия Бөлме туралы айтып беруін сұрайды. Профессордың айтуы бойынша, Салазар Слизерин мектепті ашпас бұрын, Хогвартста тек асыл тұқымды сиқыршылардың оқығанын қалады, алайда бұл пікірмен басқа сиқыршылар келіспеді. Сондықтан Салазар мектептен кетіп қалды, алайда кетпестен бұрын мектепте бөлме қалдырып кеткен. Бұл бөлмені тек қана оның мұрагері аша алады. Бұны естіген үш дос, мұрагер ретінде Драко Малфойдан күдіктене бастайды, сондықтан, Драко Малфойдан шындықты алу үшін олар Крэбб пен Гойлға айналу үшін айналмалы ішімдік дайындауға кіріседі. Оқудың бір күндері профессор Локонс пен Снегг оқушыларға өздерін қорғауды үйрету үшін дуель клубын ашады. Бұл клубтың мақсатын айтып, біраз сиқыр көрсеткеннен кейін профессор Снегг Гарри мен Драко екеуін дуэльге шақырады. Дуэль кезінде Драко өзінің сиқыр таяқшасынан жылан шығарады, алайда Гарри жыланға ешкімге тиіспесін деп жыланның тілінде бұйрық береді. Бұны естіген барлық оқушы Гарриді Слизериннің мұрагері деп күдіктенеді, себебі жылан тілінде тек Салазар Слизерин мен Вола-де-Морт қана сөйлесе алатын болған және де бұл қасиетті зұлым сиқыршыға ғана тән, сол себептен Гарриден көбі қорыққаннан алысырақ жүреді. Бірақ та Дамблдор Гарри ешқандай кінәсі жоғына сенімді екенін айтады. Және де Дамблдормен сөйлескенде Гарри директордың фениксі Фоукспен танысады.
Драконың бұл бөлме туралы білетін ақпараттың барлығын білу үшін дайындаған айналым ішімдігі дайын болды. Гарри мен Рон сол ішімдікті ішкенде, Драконың достары Крэбб пен Гойлға ауысады. Алайда Драконың ештеңені білмейтініне көзі жеткен Гарри әрі қарай не істерін білмей ойланып жүреді. Ойланып жүргенде Гарри Миртлдің әжетханасынан бір таза, ішінде ештеңе жазылмаған күнделік тауып алады. Гарри бұл күнделікке бір нәрсе жазғанда, оған қайта жауап келетінін байқайды. Сол себепті Гарри өзінің жазғанда, оған күнделіктің иесі Том Реддл деп жауап қайтарды. Содан соң Гарри күнделіктен Құпия Бөлме туралы не білетінін сұрайды. Осы туралы ақпарат беремін деп, күнделік Гарриді 50 жыл бұрын оқиғаға алып кетеді. Бұл оқиғада бір қыз қайтыс болады, сол себепті Хогвартс мектебін жабуға шешім қабылданды. Бұны естіген Том Реддл осы оқиғаға Хагрид және оның асырап жүрген үлкен өрмекшісі деп ойлайды. Осыны көрген Гарри Хагридке барып барлық шындықты есуді жөн көреді. Келесі күні Гермионаның жақымданғанын естіген оқушылар Гарриден күдіктенуді тоқтатады, себебі Гарридің өзінің ең жақын досына зиян келтіре алмайтынын біледі. Осы оқиғалардан кейін магия министрі Дамблдор мектеп директор лауазымынан уақытша босатады және де Хагридті Азкабан түрмесіне алып кетеді. Хагрид кетер алдында Гарри мен Ронға өрмекшілердің артынан еруді ұсынып үлгерді. Өрмекшілердің арттарынан еріп екі дос үлкен қара өрмекші Арагогпен кездеседі. Арагог Хагридтің асырап өсірген өрмекшісі екенін мойындайды, алайда 50 жыл бұрын қызды өлтірген ол емес болып шығады. Бұны біліп алғаннан кейін Гарри мен Рон 50 жыл бұрын қайтыс болған қыз – Миртл екенін түсініп Хогвартсқа оралады. Қайта оралғанда, ауруханада ессіз жатқан Гермионамен жолығады. Сол кезде олар Гермионаның қолынан қағазды байқайды. Бұл қағазда адамдардың ауруханада жатқан себебі үлкен жылан Василиск екені және ол Хогвартста мұржа арқылы жүргені түсіндірілген.
Гарри мен Рон барлық білетін нәрсесін прфессорлерге айтуға барғанда, қыздардың әжетханасының жарында жазбаны байқайды. Бұл жазбада Құпия бөлмеде Ронның қарындасы Джинни қалып қойғаны жазылған. Миртлдың қалай қайтыс болғанын естігенде, Гарри мен Рон сол әжетханадағы қол жуғыш қабыршаққа келіп, жыланның бейнесін байқайды. Гарри жыланша сөйлегенде, астына апаратын туннель ашылады. Туннель арқылы барғанда Гарри Том Реддл және ессіз жатқан Джиннимен кездеседі. Кездескенде Том осы оқиғалардың барлығына өзі жауапты екенін мойындап, Гарриді өлтіру үшін Василискті шақырады. Алайда Гарриге көмектесу үшін феникс ұшып келіп, Гарриге сиқыр бас киім тастап кетеді. Бұл бас киімнен Гарри Гриффиндор қылышын алып, Василискті өлтіреді. Алайда жылан Гарриді өзінің азу тісіндегі уымен жарақаттап үлгереді. Осы кезде Фоукс қайтіп ұшып келіп, Гарридің жарақатың өзінің көзжасымен емдейді. Содан соң Гарри Василисктің азу тісімен күнделікке қадап тастайды. Қадағанда күнделіктен қара сиялар шығып, Том айқаймен қиналып жоғалып кетеді.
Гарри Рон және Джинни Құпия Бөлмеден келіп, Макгонагаллға бөлмеде болған барлық нәрсені айтып береді және де Джинни Том Реддл оны алдап, күнделікті кітаптардың арасынан тауып, қолданғанын мойындайды. Дамблдор оны кешіріп, Джинниден де үлкен адамдар Волан-де-Мортқа алданғанын айтады. Сонымен қатар Дамблдор мектеп директоры болып қайтып тағайындалып, Хагрид түрмеден босатылады. Және де Василисктен жарақат алған адамдардың бәрі мандрагор тамырынан дайындалған ішімдік арқылы емделеді.
'''Гарри Поттер және Азкбан Тұтқыны'''
Кітаптың үшінші томы Гарридің туған күнінен басталады. Осы күні Гарри өзімен-өзі туған күнін жуып жүргенде далада үлкен қара итті көріп, шошып кетеді. Сол кезде ол кездейсоқ “Түнгі Рыцарь” – деген сиқыр автобус шақырады. Автобустың кондукторы Стэн Шанпайк айтуы бойынша, бұл автобус сиқыршыларды кез келген қалаған жеріне жылдам апарады. Сол кезде “Түнгі Рыцарь” Гарриді “Тесік Қазан” – деген жерге апарады. Бұл жерде Гарри магия министрі Корнелиус Фаджпен кездеседі. Кездескенде Фадж Гарриге бұлжерден бөлме жалдап, оқу басталғанға дейін осы жерде қалуын ұсынады. Жазғы демалыс біткенде, Гарри, Рон және Гермиона Хогвартсқа жол жүреді. Поездта Гарри түрмеден қашып кеткен қылмыскер Сириус Блэкті іздеп жүрген Азкабан күзетшісі, дементорды көреді. Дементорды көріп, Гарри ессіз талып қалғанда, бір купеде жатқан профессор Люпин дементорды қуып жібереді.
Мектепте Дамблдор барлығын жаңа оқу жылымен құттықтап, кейбір жаңалықтар айтады. Дементорлар мектептің айналысында Блэкті тексеріп жүретінін және зұлым сиқырдан қорғануды үйрететін профессор Люпин мен сиқыр жаратылыстарды күтім туралы сабақты жүргізетін Хагридті таныстырды. Оқудың бір күндері Гарри көзге көрінбейтін мантияны үстіне жамылып алып, Рон және Гермионамен бірге пабқа барады. Бұл жерде Гарри Фадж, Хагрид, профессор Флитвик пен Макгонагаллдың арасындағы әңгімесін естіп қалады. Бұл әңгімеде Сириус Блэктің Джеймстің ең жақын досы және Гарри кіндік әкесі бола тұрып, олады Волан-де-Мортқа сатып бергені айтылады.
Сиқыр жаратылыстарды күтімділігі туралы сабақта Хагрид оқушыларға гиппогриф Клювокрылмен таныстырады. Барлығы Клювокрылмен қызыға және ақырын қарап жүргенде, Драко Хагридтің профессор болғанын жақтырпағандықтан, Клювокрылге тиісіп, қолын өтірік ауыртып алып, Хагридке жала жабады. Осының салдарынан Клювокрылды байлап қойып, Хагрид сотқа шақырылады.
Жаңа семестр басталғанда, профессор Люпин дементорларға қарсы тұру үшін қолданылатын Патронус сиқырын оқушыларға үйретеді. Люпиннен шығып келе жатып, Гарри мен Рон қапаланған Гермионамен кездесіп қалады. Бұның себебін сұрағанда Гермиона қолындағы қағазда Хагридтің соттан ұтылып қалып, Клювокрылды бауыздау туралы шешім қабылданғаны айтылады. Бұл хатты оқығаннан кейін олар Хагридке қал-жағдайын сұрауға барады. Хагридпен кездескенде Рон өзінің тышқаны, Коростаны тауып алады. Алайда, Короста өте агрессивті әрекеттеніп, Ронның қолынан шығып кетеді. Рон Коростаның артынан қуғанда, жолда Ррн мен Коростаны үлкен қара ит сүйреп алып кетеді. Арттарынан асыға барған Гарри мен Гермиона Хогсмдтағы лашық үйге тап болады. Бұл жерде Гарри Сириус Блэкпен кездесіп, оның анимаг (үлкен қара итке қалауымен ауыса алады) екенін біледі. Сонымен қатар бұл жерге профессор люпин келіп, кенеттен Блэкті өзінің досы ретінде құшағына алады. Және де профессор Люпин оларды Мародерлер картасы арқылы тауып алып, өзінің оборетеньге айнала алатынын мойындайды. Сонымен қатар Петтигрю тышқанға және Джеймс маралға айнала алатынын да айтып берді. Петтигрю Джеймс пен Лилиді Волан-де-Мортқа сатып беріп, осы күнге дейін Короста болып жүргенін Люпин мен Блэк Гарриге түсіндіркге тырысады. Гарри оарға сенбегендіктен, Блэк тышқанды адам кейпіне айналдырғанда, Петтигрюді көрген Гарри оларға сенеді. Блэк Петтигрюді өлтірейін деп тұрғанда, әкесінің жақын достары бір-бірін өлтіргенін қаламаған Гарри бұған қарсы болады.
Барлығын мектепке барып айтуға бара жатқанда, далада толған ай шығып, Люпин оборетеньге айнала бастады. Қалғандарын құтқарам деп Блэк қара итке айналып оборетеньге қарсы тұрады. Содан қатты жарақат алып, Блэк қашып, өзеннің жағасына барып жата қалады. Осы жағдайды қолданып Петтигрю тышқанға айналып, қашып үлгереді. Блэк жағада жатқанда оның қасына көптеген дементор келіп, Блэктің жанын сора бастайды. Бұған Гарри барынша төтеп беруге тырысады, алайда оның Патронусының күші барлық дементорды қуып жіберуге жетпейді. Сол кезде өзеннің басқа жағалауынан басқа біреу марал кейпінде өте мықты Патронус жіберіп, дементордың барлығын қуып жібереді. Бұны істеген Гарри өз әкесінің рухы екеніне сенімді болады. Гарри Блэкті қорғау үшін қанша тырысқанымен, магия министрі оны абақтыға қайтып қамайды.
Ауруханада Гермиона басқаларынан екі есе көп сабақ алып барлығына үлгеріп жүргеннің себебі Макгонагалл берген уақыт арасында жүргізетін жабдық екенін Гарриге түсіндіреді. Осы арқылы олар 3 сағат бұрын уақытқа, яғни олар Хагридке келіп, Ронды ит сүйреп кеткен уақытқа қайта оралады. Сол кезде Клювокрылды босатып, оны бауыздаудан құтқарады. Енді олардың міндеті Блэкті құтқару. Гарри өзеннің арғы бетінде Блэк пен өзінің дементорлардан зардап шегіп жатқанын қарап, өзінің әкесінің келіп, құтқаратына сенімді болып күтті. Алайда әкесінің келмейтінін түсініп, Гарри өзі марал бейнесінде барлық дементорды қуып жіберетіндей Патронус шығарады. Осыдан кейін олар Блэкті абақтыдан босатып, Клювокрыл мен бірге Блэк ұшып кетеді. Барлығын құрқарғаннан кейін, олар қазіргі уақытқа қайта оралады. Гарри, Рон, Гермона, Лююпин және Дамблдор Блэктің кінәсі жоқ екенін дәлелдеуге қанша тырысқанымен магия министрі бұған сенбеді, сондықтан Блэк әлі де қауіпті қылмыскер ретінде бәріне танымал болады. Бұған қарамастан Гарри барлық шындыққа көзі жетіп, көңілі босап қалады. Профессор Люпин мектептен кететін болады, себебі Снегг оның оборетень екенін жайып салады. Дамблдор магия министрінен дементорлардың кетуін талап етеді. Гарри, Рон және Гермиона үшінші оқу жылын бітіріп, үйлеріне қайтады.
'''Гарри Поттер және Жалын Кубогы'''
Гарри жазғы демалысын Дурсль отбасының үйінде өткізіп жүргенде, Ронның анасы Молли Уизли оны квиддичтен әлем чемпионатының финалына шақыру билет жібереді. Финалда Ирландия мен Болгария арасындағы ойынның нәтижесінде, Ирландия құрамасы жеңіске жетеді. Ойын біткен күні кешке Өлім Жайпауыштары (Волан-де-Морттың қол астындағы сиқыршылар) шабуыл жасап кетіп, аспанға өздерінің эмблемасын қалдырып кетеді. Жайпауыштар кеткеннен кейін, оқиға болған жерден Краучтың эльфі Винкиді сиқыр таяқ ұстап тұрғанын тауып алады.
Достар Хогвартсқа келгенде, олар зұлым сиқыршыларға қарсы қорғану сабағын үйрететін жаңа профессор – Грюммен танысады. Сонымен қатар осы жылы Хогвартста Үш Сиқыршының Жарысы болатыны жарияланады. Бұл жарыста үш түрлі мектептің атынан шығатын үш сиқыршының арасында өте қиын және қауіпті сынақтар болатыны айтылған. Хогвартстан басқа бұл жарысқа Шармбатон және Дурмстранг мектебі қатысады. Кез-келген 17 жасқа жеткен оқушы өзінің атын Жалын Кубогына лақтырып, қатыса алады. Жалын Кубогының тандаған қатысушылар – Дурмстранг мектебінен Виктор Крам, Шармбатоннан Флер Делакур және Хогвартстан Седрик Диггори. Алайда, Кубок кездейсоқ тағы да бір есімді, Гарри Поттерді таңдайды. Барлығы бұған таң қалады, дегенмен Гарри жарысқа қатысуға мәжбүр болады.
Жарыстың бірінші сынағы – айдаһардан оның жұмыртқасын ұрлап кету. Негізі сынақ басталмастан бұрын қатысушылар ол туралы ешқандай ақпарат білмеу керек еді, алайда Седриктен басқа барлық қатусышылар алдын-ала біліп алғандықтан, Гарри әділ болсын өзінің білетінін Седрикке де айтады. Барлық қатысушылар бұл сынақтан өте білді.
Екінші сынақтың шартын білу үшін, қатысушылар алтын жұмыртқаның сырын тауып алу керек. Бірінші сынақпен көмектескені үшін Диггори Гарриге жұмыртқаны ваннаның ішінде ашуды ұсынады. Судың астында ашқанда, Гарри су перісінің өлеңін естиді. Бұл өлең арқылы Гарри бір сағаттың ішінде судың астынан оған қымбат нәрсені құтқарып алу керек екенін түсінеді. Енді Гарри судың астында қалай бір сағат шыдайтынын білмей жүргенде, Добби Гарриге жабросль береді. Бұны жұтқанда Гарриде судың астында көпке шыдауға көмектесетін желбезек пен жүзбеқанаты шығады. Гарри су перлердің өзіне қымбат адамдарды күзетіп тұрған жерге бірінші келіп, басқа қатысушыларды күтіп тұрады. Седрик пен Крам өзінің нысанасын алып кетеді, бірақ та Гарри Флерді көрмегендіктен Рон мен Флердің сіңілісін құтқарам деп соңғы келеді. Алайда, Гарридің бұл қылығы үшін жюрилер оған екінші орын береді.
Үшінші сынақтың мақсаты қақпанға толы лабиринттен өтіп, Кубогты бірінші алу. Седрик пен Гарри бұл кубокқа екеуі бірге бірінші келгендіктен, олар кубогты бірге ұстаған дұрыс деп шешім қабылдайды. Алайда кубокты ұстағаннан кейін олар молаға түседі. Оларға қарай Петтигрю қолында әлсіз және кішкентай Волан-де-Мортпен бірге жақындайды. Петтигрю Седрикті өлтіріп, Гарриді молаға іліп қояды. Енді Волан-де-Мортты қайта өмірге алып келу үшін жаудың қаны, қызметшісінің дене мүшесі және әкесінің сүйегі керек. Петтигрю осының бәрін алып қосқанда, Волан-де-Морт қайта тіріліп, өзінің қол астындағы барлық сиқыршыларды шақырып алады. Содан кейін Волан-де-Морт Гарриді өлтіру мақсатында оны дуэльге шақырады. Алайда Гарри мен Волан-де-Морттың сиқыр таяқшалары бір құстың қауырсынынан істелінгенліктен, екеуі соқтығысқанда Волан-де-Морттың өлтірген барлық адамдардың рухтары келіп, Гарриге қашып кету үшін көмектеседі. Гарри Седриктің денесін алып, кубокты ұстағанда олар Хогвартсқа қайта оралады. Гарри келе салысымен барлығына Волан-де-Морттың қайта өмірге келгенін айтып береді. Содан соң профессор Грюм Гарриді өзінің кеңсесіне алып барады. Осы кезде Гарри Грюмнің Волан-де-Морттың қол астындағы сиқыршы екенін түсінеді. Сонымен қатар, Грюм Гарриді есімін Кубокқа салғанын және осы оқиғаның болу үшін Гарриге көмектескенін айтып береді. Бәрін айтып болып, Грюм Гарриді өлтірейін деп жатқанда, есіктен Дамблдор, Снегг және Макгонагалл келеді. Сәлден кейін Грюм айналма ішімдігінің мерзімі біткендіктен Краучтың баласы – Барти Крауч-кішіге айналады. Ол Азкабаннан қашып, әкесінен тыс өмір сүрген. Волан-де-Морттың қайта өміріне келу туралы жоспарды Петтигрю екеуі істеп, әлем чемпионатының финалында әкесінен қашып, Грюмге шабуылдап, оны тұтқынға алып, өзі бір жыл бойы Грюмнің ролін ойнағанын және кейінірек өз әкесін өлтіргенін мойындайды. Алайда, магия министрі Корнелиус Фадж Волан-де-Морттың қайта оралғанына сенбей, Краучтан барлық ақпарат алудың орнына оны дементорларға береді. Министрліктен пайда жоқ екенін түсінген Дамблдор, Волан-де-Мортқа қарсы одақтас сиқыршылар жинай бастайды. Бұлардың ішінде – Хогвартстағы профессорлар, Сириус Блэк, Уизли отбасы, Римус Люпин, Арабеллу Фигг және Наземникус Флетчер.
Пайдаланған Әдебиеттер:
1. Википедиа. 2015. “Серия Романов о Гарри Поттере.”
2. Википедиа. 2015. “Гарри Поттер (Серия фильмов).”
3. Дж.К.Роулинг. 1997. “Гарри Поттер и Философский Камень.”
4. Дж.К.Роулинг. 1998. “Гарри Поттер и Тайная Комната.”
5. Дж.К.Роулинг. 1999. “Гарри Поттер и Узник Азкабана.”
6. Дж.К.Роулинг. 2000. “Гарри Поттер и Кубок Огня.”
| |||