Есік: Нұсқалар арасындағы айырмашылық

'''Есік''' — [[Алматы облысы| Алматы облысындағы]] [[Еңбекшіқазақ ауданы | Еңбекшіқазақ ауданының]] орталығы, қала. Облыс орталығы — [[Алматы]] қаласынан шығысқа қарай 43 км жерде, [[Іле Алатауы | Іле Алатауының]] солтүстік баурайында, теңіз деңгейінен 935 — 1040 м биіктікте, [[Есік өзені| Есік өзенінің]] ысырынды конусында орналасқан. Тұрғыны 31,2 мың адам (1999). [[Есік қаласы| Есік қаласының]] орнын адамдар өте ертеден мекендеген. Қаланың солтүстік жағында [[сақ]] мәдениетінің б.з.б. 5 — 4 ғасырлардағы аса көрнекті ескерткіші — [[Есік обасы]] орналасқан. 1854 жылы бұл көне қоныс орнында [[Надеждинская станицасы]] қаланды. 1923 жылдан ол [Есік станицасы]] болып аталды. 1968 жылы қала статусын алды. Қалада [[“Көктем”]], [[“Есік шарап зауыты”]], [[“Дионис”]], [[“Елес”]], [[“Фудмастер”]], [[“Голд Продукт”]] сияқты ірі кәсіпорындар орналасқан. Одан басқа құрылыс, көлік, т.б. мекемелер мен шағын өндірістік кәсіпорындар бар. Есікте жалпы білім беретін 9 мектеп, педагогикалық колледж, біріккен қазақ-түрік лицейі, мәдениет үйлері, кинотеатрлар, клуб, аудандық аурухана, емхана, дәріханалар, т.б. бар. Қаладан оңтүстікке қарай 17 км жердегі әсем тау шатқалында демалыс және туризм аймағы саналатын [[Есік көлі]] орналасқан.

==Сілтемелер==

{{stub}}

{{wikify}}