Аккумулятор: Нұсқалар арасындағы айырмашылық

Аккумулятор (латынша accumulator — жинақтауыш) — [[энергия]] жинауға арналған құрылғы. Ол жиналатын энергия түріне сәйкес электр аккумуляторы, [[гидравика|гидравликалық]] аккумулятор, [[пневматика| пневматикалық]] аккумулятор, жылу аккумуляторы, бу аккумуляторы және [[инерция|инерциялық]] аккумулятор болып бөлінеді.

*Электр аккумуляторы — электр энергиясын жинап (химиялық энергияға айналдыру арқылы), қажет болғанда сыртқы тізбекке бере алатын [[химия|химиялық]] ток көзі. Ол ішінде [[Электролиттер|электролит]] ([[қышқылдар|қышқыл]] не сілті) және [[Электрод |электродтары]] бар оқшаулағыш материалдан ([[эбонит]], [[шыны]], [[Пластмассалар|пластмасса]]) жасалған ыдыстан тұрады. Электр аккумуляторы тұрғылықты және тасымалды болып бөлінеді. Тұрғылықты аккумулятор электр, [[радио]], [[телефон]] және [[Телеграф Стансасы | телеграф стансасында ]] тұрақты ток көзі ретінде, тасымал аккумулятор көшпелі қондырғыларда (көшпелі радиоаппаратураларда, [[Автомобиль | автомобильдерде]], ұшақтарда, электркарларда т.б.) қолданылады.

*Гидравликалық аккумулятор гидравликалық қондырғылардағы сұйық заттың шығыны мен қысымын реттеп отыруға арналады. Құрылымы цилиндр мен плунжерден тұрады. Ол сорғылардан (компрессорлардан) келетін артық сұйық затты (газды) өз [[Қысым | қысымымен]] жинап, шығын көбейгенде оны жұмыс машиналарына беріп отырады. Мұндай аккумулятор гидравликалық және пневматикалық қондырғылардағы сұйық заттың қысымы мен шығынын реттеп отыруға пайдаланылады.

*Пневматикалық аккумулятор пневматикалық қондырғылардағы ауа шығыны мен қысымын реттеу мақсатында сығылған ауа энергиясын жинауға арналады. Ол ауа құбырына жалғанған резервуардан тұрады. Артық ауа резервуарда жиналады да, шығын көбейгенде ауа таратқыш жүйеге беріліп отырылады. Пневматикалық аккумулятор ірі пневматикалық желілерде, [[жел электр станциялары | жел электр станцияларында]] т.б. қолданылады.

*Бу аккумуляторымен көбінесе пайдаланылған буды жинау үшін қуаты аз бу қозғалтқыштары жабдықталады. Одан бу әр түрлі [[технология|технологиялық]] мақсаттарға (мысалы: кептіру камералары), сондай-ақ сантехника қондырғылар қажетіне жұмсалады.

*Жылу аккумуляторы жылу қондырғыларында жылу жинауға арналған. Олар айнымалы қысымды және тұрақты қысымды болып бөлінеді. Көбінесе бу-сулы аккумулятор деп аталатын айнымалы қысымды жылу аккумуляторы қолданылады. Онымен бу шығыны тұтынуға байланысты күрт өзгеріп отыратын кішігірім және орташа қуатты жылу электр станциялары жабдықталады. Тұтыну кеміген кезде бу қазанынан жылу аккумуляторына жіберілген артық бу ондағы суға өзінің жылуын береді. Бу шығыны көбейгенде, жылу жүйесіндегі бу қысымының төмендеуі салдарынан қызған су буға айналады. Соның негізінде тұтынушылар буды жалғыз бу қазанынан емес, жылу аккумуляторынан да алады. Тұрақты қысымды жылу аккумуляторы резервуарындағы суды тікелей бу қазанының өзінде де және артылған бумен де қыздыра алады. Жылу аккумуляторы қазандағы бу қысымынан төмен қысымды бумен де жұмыс істей береді. Жылу аккумуляторы жылу қондырғыларының [[пайдалы әсер коэффиценті|пайдалы әсер коэффициентін]] көбейтеді, өндіріс цехтарын бумен үзіліссіз бірқалыпты қамтамасыз етеді, ондағы еңбек өнімділігін арттыруға жағдай жасайды.

*Инерциялық аккумулятор қызметін айналып тұратын [[маховик]] атқарады Маховик салмағы мен оның айналу жылдамдығы неғұрлым көп болса, онда жиналатын энергия мөлшері де соғұрлым мол келеді. Инерциялық аккумулятор жел электр станцияларында генератордың, сондай-ақ штамптау [[станок|станогы]], механикалық балға, поршеньді сорғы т.б. жұмыс қалпын тұрақтандыру мақсатында қолданылады.