'''Бас желілілер''' , бас хордалылар ([[Cephalochordata]]) – [[желілілер]] типі [[бассүйексіздер]] тармағының жалғыз класы. [[Атлант мұхиты|Атлант]], [[Тынық мұхит|Тынық]], [[Үнді мұхиты|Үнді]] мұхиттары жылы [[теңіз]]дерінің жағалауға жақын таяз жерлеріндегі [[құм]] арасында кездеседі. Оның [[Қандауыршатәрізділер|қандауырша тәрізділер]] деген бір ғана отряды бар. Денесіндегі желісі (хордасы) құйрық бөлігінен басына дейін ұзына бойы созылып жататындықтан осылай аталған. Оған дене тұрқы 1,5 – 8 см, екі бүйірі қысыңқы ұсақ [[теңіз]] жануарлары жатады. [[Арқа]] бұлшық еттері 50 – 80-ге жуық ұсақ бөліктерден (миомерлерден) тұрады. [[Ауыз қуысы|Ауыз алды қуысында]] 20-дай ұсақ қармалауыштары бар. [[Жұтқыншақ|Жұтқыншағы]] көлемді әрі оның екі бүйірінде 100 жұптан астам желбезек саңылаулары орналасқан, оның сыртын жұқа терілі қатпар жауып тұрады. Аузынан кірген су арнайы [[атриопор]] саңылауы арқылы, ал қорытылмаған қоректік заттар аналь саңылауы арқылы сыртқа шығарылады. Денесінің құрамында белок мол болғандықтан, жергілікті тұрғындар тағам ретінде пайдаланады.<ref name="source1">Қазақ Энциклопедиясы</ref>
