Александр Натанович Бернштам: Нұсқалар арасындағы айырмашылық

'''Александр Натанович Бернштам''' (18 қыркүйек 1910 жылы, [[Ресей]], [[Керчь]] қаласы – 10 желтоқсан 1956 жылы, [[Санкт-Петербург]] қаласы) – шығыстанушы, тарих ғылымдарының докторы (1942 жылы), [[профессор]], [[Орталық Азия]]ны мекендеген түркі тілдес халықтардың тарихын зерттеушілердің бірі.

 

Ленинград (Санкт-Петербург) университетін бітірген (1931 жылы). Материалдық мәдениет тарихы академиясында, 1935–38 жылдары [[Шығыстану институты]]ндажұмыс істеді. Бернштам «6–8 ғасырлардағы орхон-енисей түріктерінің экономикалық құрылымы» тақырыбы бойынша кандидаттық (1935 жылы), «Қырғызстан мен қырғыздардың көне дәуірден [[моңғол-татар шапқыншылығы]]на дейінгі тарихы» деген тақырыпта докторлық диссертация қорғады. 1936 жылдан бастап жыл сайын ұйымдастырылып, [[Бернштам]] басқарған археологиялық экспедициялар солтүстікте [[Батыс Қаратау жотасы|Қаратау жоталарынан]], оңтүстікте [[Памир таулары]]на дейінгі, шығыста [[Іле]]ден, батыста [[Зеравшан үстірті]]не дейінгі жерлерді зерттеп, [[Қазақстан]] мен [[Орта Азия]] халықтарының көне тарихына қатысты маңызды мәліметтер жинады. Ол 1930–40 жылдары қазақ-қырғыз тарихына қатысты тың мәселелер көтеріп, сақ-үйсін және түркі дәуірін зерттеуге елеулі үлес қосты. Археологиялық материалдарға сүйеніп, Теріскей [[Қырғыз]] өлкесінің [[қола]] дәуірден (б.з.б. 2 ғ.) 15 ғасырға дейінгі тарихын түбегейлі талдады. 250-дей ғылыми еңбегі мен мақалалары бар.<ref>Отырар. Энциклопедия. – Алматы, «Арыс» баспасы, 2005, ISBN 9965-17-272-2</ref><ref>Қазақ Энциклопедиясы</ref>

==Дереккөздер==

<references/>

 

[[Санат:1910 жылы туғандар]]

[[Санат:Профессорлар]]

[[Санат:Түркітанушылар]]