Абай атындағы Қазақ ұлттық опера және балет театры: Нұсқалар арасындағы айырмашылық

* [[1934 жыл]]ы музыка студиясы Қазақ мемлекеттік музыка театры болып жасақталды, сол жылы 13 қаңтарда [[Мұхтар Омарханұлы Әуезов|М. Әуезов]]тың либреттосына жазылған «[[Айман - Шолпан операсы|Айман-Шолпан]]» (режиссер [[Жұмат Тұрғынбайұлы Шанин|Ж. Шанин]] мен [[Құрманбек Жандарбеков|Қ. Жандарбеков]], музыкасы [[Иван Васильевич Коцык|И.В. Коцык]]) пьесасының желісімен алғашқы спектакль қойылды. Қойылым барысында Иван Коцыктың өңдеуімен жазылған қазақ халқының халық әндері мен күйлері орындалды. Спектаклдің қол жеткен табысы орасан болды, барлық ел жаңа театрдың ашылғанынан хабардар болды.

* [[1938 жыл]]ы М. Әуезовтың "[[Қалқаман - Мамыр дастаны|Қалқаман-Мамыр]]" либреттосы бойынша алғашқы қазақ балеті қойылды.

* [[1941 жыл]]ы Н. Круглов, Н. Простаков және [[Төлеу Құлқаманұлы Бәсенов|Т. Басенов]] бастаған архитекторлардың жобасы бойынша театрдың ғимараты салынды.

* [[1943 жыл]]ы театрда [[Галина Сергеевна Уланова|Г. Уланова]] мен В. Пирадов "Жизель" балетін қойды.

* 1944 жылы "[[Абай операсы|Абай]]" операсының премьерасы болды (либреттосын жазған М. Әуезов, музыкасы - А. Жұбанов, Л. Хамиди).

* [[2014 жыл]]ы - "Абай" операсының жаңа қойылымы (музыкасы - [[Ахмет Қуанұлы Жұбанов|А. Жұбанов]], [[Латиф Абдулхайұлы Хамиди|Л. Хамиди]], либреттосы - М. Әуезов). Опера [[Париж]] теартында қойылды.

* 2015 жылы - Ж. Бизенің "Кармен" операсының жаңа қойылымы. Бұл калссикалық операны "Модерн" стилінде қойған алғашқы қойылым және заманауи режиссурадағы жаңа бағыт ретіндегі өзгеше бір шешім болды. Осы жылы "Ұла дала аңыздары" балетінің премьерасы болды. Музыкасын Қазақстанның композиторлар мектебінің бір топ үздік өкілдері бірігіп жазды.

Композиторлар Е.Г. Брусиловский, А. Жұбанов, [[Мұқан Төлебаев|М. Төлебаев]], Л. Хамиди, режиссер Ж. Шанин, әншілер Қ. Жандарбеков, [[Қанабек Байсейітов|Қ. Байсейітов]], [[Күләш Жасынқызы Бәйсейітова|К. Байсейітова]], [[Манарбек Ержанов|М. Ержанов]], [[Ғарифолла Құрманғалиев|Ғ. Құрманғалиев]], [[Үрия Әлтікқызы Тұрдықұлова|Ү. Тұрдықұлова]], биші [[Шара Баймолдақызы Жиенқұлова|Ш. Жиенқұлова]], т.б. ұлттық опералық музыканың негізін қалады. Кейінірек В.Ю. Жданов, [[Юрий Людвигович Рутковский |Ю.Л. Рутковский]] режиссерлік етті, көркемдеуші суретшісі [[Анатолий Иванович Ненашев |А.И.Ненашев]], дирижері [[Федор Андреевич Кузьмич|Ф.А. Кузьмич]], хормейстері А.В. Преображенский болды. 1940 жылдары театр труппасына [[Ришат Абдуллин|Ришат]] пен [[Мүсілім Мүкімұлы Абдуллин|Мүсілім]] Абдуллиндер, [[Серғали Әбжанов|С. Әбжанов]], [[Әнуарбек Бейсембайұлы Үмбетбаев|Ә. Үмбетбаев]], [[Шабал Бейсекова|Ш. Бейсекова]], [[Байғали Досымжанов|Б. Досымжанов]], Р. Мұсабекова, Ә. Мұсабеков, т.б. әнші-артистер қосылды. Театрда [[Александр Владимирович Селезнев|А.В. Селезнев]], [[Юрий Павлович Ковалев|Ю.П. Ковалев]], [[Дәурен Тастанбайұлы Әбіров|Д.Т. Әбіров]] сияқты балетмейстерлер, И.И. Зак, [[Ғазиз Ниязұлы Доғашев|Ғ.Н. Доғашев]] сынды дирижерлер жемісті еңбек етті.

Сахна төрінде М. Ержанов, [[Жүсіпбек Елебеков|Ж. Елебеков]], [[Роза Үмбетқызы Жаманова|Р. Жаманова]], [[Ермек Бекмұхамедұлы Серкебаев|Е. Серкебаев]], [[Бибігүл Ахметқызы Төлегенова|Б. Төлегенова]], т.б. өнер көрсетті. Қазіргі уақытта театр артистері [[Нұржамал Пернебекқызы Үсенбаева|Н. Үсенбаева]], [[Сұлтан Байсұлтанов|С. Байсұлтанов]], [[Жәмила Төлегенқызы Баспақова|Ж. Баспақова]], [[Майра Мұхамедқызы|М. Мұхамедқызы]] секілді белгілі әншілер, [[Сара Ищанова|С. Ищанова]], [[Ұлан Кенжебеков|У. Кенжебеков]], Д. Дүтмағамбетова тәрізді әр түрлі халықаралық байқаулардың лауреаттары қазақ операсының табыстарын көптеген елдер театрларының сахнасында паш етуде. Кейінгі жылдары театр режиссерлары [[Ғафиз Қыдырұлы Есімов|Ғ. Есімов]], Л. Иманғазина, Ф. Сапаров отандық және шет ел композиторларының классикалық шығармаларын жаңғыртып, сахналап жүр.