Шыңғыстау: Нұсқалар арасындағы айырмашылық

'''Шыңғыстау''' – [[Сарыарқа (Солтүстік Қазақ жазығы)|Сарыарқа]]ның шығыс бөлігіндегі тау жотасы. Солтүстік-батыстан оңтүстік-шығысқа қарай созылған.

[[Шығыс Қазақстан облысы]]ның [[Абай ауданы (Шығыс Қазақстан облысы)|Абай]], [[Аягөз ауданы|Аягөз]] аудандары аумағында.

Шыңғыстау солтүстік-шығыста [[Алтай таулары|Алтай]]дан [[Шар (өзен)|Шар]] өзені аңғарымен бөлінеді, оңтүстік-шығыста [[Тарбағатай жотасы|Тарбағатай]]ға ұласады. Шығысында тауаралық [[Зайсан қазаншұңқыры]], оңтүстігінде Солтүстік Балқаш төбелері жатыр. Абсолюттік биіктігі 1000 – 1100 м, ең биік жері – [[Ақшатау жотасы(жота)|Ақшатау]]дағы [[Қособа тауы (Шығыс Қазақстан облысы, Абай ауданы)|Қособа тауы]] (1305 м). Жылына 200 – 250 мм шамасында жауын-шашын түседі. Шыңғыстаудың солтүстік беткейінен [[Шаған (өзен, Шығыс Қазақстан облысы)|Шаған]] және [[Ащысу өзені (Шығыс Қазақстан облысы)|Ащысу]], оңтүстігінен [[Бақанас өзені|Бақанас]], [[Дағанделі]], Құрбақанас, [[Көксала |Көксала]], т.б. өзендер басталады.

Төменгі және орта [[Палеоген кезеңі|палеоген]]нің жанартаутекті шөгінділерінен, құмтас, тақтатас, конгломерат, т.б. жыныстардан түзілген.

Беткейінде бұта (тобылғы, қараған), аңғарларында тал, терек, қайың, шалғын шөп өседі. Арқар, киік, қасқыр, түлкі, борсық, суыр, т.б. мекендейді. <ref>[[Қазақ энциклопедиясы]], 9 т.</ref>