Бірқатар ғалымдар (А.А. Монгайт, т.б.) оның бұл пікірін қуаттамады. Қазіргі таңда Қазақстан аумағынан Неолит дәуіріне жататын 800-дей ескерткіш табылған. Оларды зерттеуге Ә.[[Марғұлан, Әлкей Хақанұлы Марғұлан|Марғұлан]], С.С. [[Черников Сергей Сергеевич|Черников]], [[Хасан Алпысбаев|Х.Алпысбаев]], [[Медоев Георгий Цараевич|А.Г. Медоев]] зор үлес қосты. Кейінірек [[Виктор Федорович Зайберт|В.Ф. Зайберт]], В.Логвин, Ж.Таймағамбетов, т.б. ғалымдар айналысып, сол кезеңдегі өндірістің және адам өмірінің көп салаларының қыр-сыры, маңызды өзгерістері пайымдалды. Қазақстандық неолит Еуразиядағы тас дәуірінде болған тарихи-мәдени үрдістің аясында дамығандығы дәлелденді. Археол. мәдениеттер ([[атбасар мәдениеті]], [[маханжар мәдениеті]], т.б.) бөліп көрсетілді. Неолит тұрақты орналасу сипатына қарай: бұлақ, өзен, көл, үңгір тұрақтары деп төрт түрге бөлінеді. Республиканың табиғи-климаттық жағдайына байланысты көпшілік тұрақтар ашық (жер бетінде) түрде кездеседі. Жергілікті Неолит мәдениеттері мезолиттен бастау алып, қола дәуірінде жалғасын тапты.<ref>Қазақ Энциклопедиясы, 7 том 2 бөлім</ref>
