Өгізшағала: Нұсқалар арасындағы айырмашылық

Дене тұрқы 60 см-дей, қанатын жазғандағы алымы – 1,3 м, салм. 700 – 1800 г. Басы ақ, жоны және қанаттары күміс түсті. Тұмсығы сары, астыңғы жағында дөңгелек қызыл дағы болады. Қара түсті қанатының ұшы ақ теңбілді, аяғы – қызғылт. Қыста төбесінде қошқыл секпілдер болады. Тұзды және ірі тұщы су қоймаларын мекендейді. Өгізшағала – солт-те жыл құсы, оңт-те отырықшы құс. [[Қазақстан]]ға ерте көктемде (наурыздың басы) ұшып келіп, [[Балқаш]] – [[Алакөл]] ойысында, [[Шалқартеңіз]], [[Зайсан көлі]]нің маңында жеке жұптасып, кейде шоғыр түзіп, ұя салады. Ұясын жерден 30 см-дей биік салады, ондағы 1 – 3 жұмыртқаны мекиені мен қоразы кезектесіп басады. Балапандары бір жарым айда қанаттанып ұшады, суда жақсы жүзеді. Өгізшағала – шағалалардың ішіндегі жыртқышы. Қорек талғамайды, ұсақ кемірушілерді, балықтарды, жәндіктерді жейді. Қыс түсе бастағанда жылы жаққа ұшып кетеді. Отырықшы түрлері [[Каспий]] және [[Арал]] т-дерін қыстайды.<ref>[[Қазақ энциклопедиясы]], 7том</ref>