Үй жұмысы (фильм)

«Үй жұмысы» (ағыл. The Art of Getting By) – өзі жазған сценарииі бойынша режиссер Гэвин Вьесен түсірген американдық мелодрама.  Басты рөлдерде – Фредди Хаймор және Эмма Робертс. Тұсаукесер «Сандэнс» фестивалінде 2011 жылы 23 қаңтарда өтті. 

Фильм көптеген кино сыншылардан жаман пікір алды. Rotten Tomatoes сайтында 106 жазылған комментарийдің ішінде тек 18% ғана жағымды болды. Metacritic-те 28 шолудың негізінде 100 балдың ішінде 36 бал жинады.

Джордж – өмірде ештеңеге қызықпайтын жалғыз және тұйық жасөспірім. Оның сурет салу өнері бар, алайда бұл таланты текке кетіп бара жатыр. Осыған қоса жігіттің білім алу құлшынысы жоқ, ол мұғалімдерді тыңдамай, үй жұмысын ешқашан жасамайды. Бір күні Джордж Салли атты қиын қызбен танысады. Қыз оған достық қызығушылық танытады.Уақыт өте бұл қарым-қатынас одан үлкен нәрсеге ұласады. Енді Джордж өміріндегі ең маңызды сабақтың алдында тұр. Бұл махаббат жайлы сабақ және ол оны міндетті түрде оқуы керек.