Микеланджело Буонарроти: Нұсқалар арасындағы айырмашылық

'''Микеланджело Буонарроти''' (толық аты-жөні – ''Микеланьоло ди Лодовико ди Лионардо ди Буонаррото Симони'') – итальян [[мүсінші|мүсіншісі]], [[кескіндемеші]], [[сәулетші]] әрі [[ақын]]. 1475 ж. 6-наурызда қазіргі [[Капрезе-Микеланджело]], [[Тоскана|Тосканада]] [[ақсүйек]] отбасында туған. Кескіндемеші [[Гирландайо]] мен мүсінші [[Бертольдо ди Джованни|Бертольдо ди Джованниден]] (1488 – 90) дәріс алды. Жас кезіндегі шығармаларынан-ақ (“Баспалдақ қасындағы Мадонна”, “Кентаврлар шайқасы” атты бедерлі мәрмәр, 1490 – 92 ж. шамасы) оның шығармашылығының өзіндік басты белгілері айқын аңғарылды. Римде ол “Вакх” мүсінін (1496 – 97, Флоренция, Ұлттық мұражай) жасап, көне заман ескерткіштерімен әуестенеді. 1501 ж. [[Флоренция|Флоренцияға]] оралып, Медичи озбырлығының бұғауын бұзған республика азаматтарының ерлігін бейнелейтін шығармалар жасауға кірісті. Ол сомдаған орасан зор [[Давид]] мүсіні (1501 – 04, Флоренция, Көркемсурет академиясының галереясы) құдіретті күш, ерлік, жігер туралы паш етеді. 1505 ж. Юлий ІІ Папа Римге шақырып, оған [[құлпытас]] жасауды тапсырады. Құлпытасқа арнап ол бірнеше мүсіндер жасады: “Моисей” (1516, Рим, Сан-Пьетро ин Винколи шіркеуі), “Көтеріліске шыққан құл” және “Хал үстіндегі құл” (екеуі де 1513 – 16, [[Париж]], [[Лувр]]). Мүсінші тасты жан-жағынан бірдей қашамай, белгілі бір жерлерін ғана өңдеді. Әрбір фигуралар мен жеке көріністер мөлдір айқындығымен ерекшеленеді, сондай-ақ көлемі жағынан көл-көсір бұл жазбалардың біртұтас сән-салтанаттылығы анық байқалады. 1534 ж. ол Римге біржола көшіп келіп, “Аяусыз жаза” атты орасан зор фреска (1536 – 41) жасайды. Өмірінің соңғы 30 жылында мүсін мен кескіндемеден бірте-бірте алшақтап, негізінен, [[сәулет өнері|сәулет]] өнерімен]] және [[поэзия|поэзиямен]]мен айналысады. 1523 – 34 ж. ол Флоренцияда сәулетші ретінде Лауренциана [[кітапхана|кітапханасының]] ғимаратын тұрғызды. 1546 жылдан бастап өмірінің соңына дейін негізгі еңбегі Римдегі [[әулие Петр соборы]] мен [[Капитолий ансамблі|Капитолий ансамблін]] салу болды (екеуі де автор қайтыс болғаннан кейін аяқталды). Оның лирикасы терең ойлы, асқақ трагизмге толы. [[Мадригал]] мен [[сонет]] жанрында жырлады. 1564 ж. 18-ақпанда Римде қайтыс болды. Өлеңдері алғаш 1623 ж. басылды.<ref>[[Балалар Энциклопедиясы]], 6 том.</ref>