Георгий Никитович Ковтунов: Нұсқалар арасындағы айырмашылық

'''Георгий Никитович Ковтунов''' (26.5.[[1918]], [[Ресей]], [[Самара облысы]], [[Алексеев ауданы (Самара облысы)|Алексеев ауданы]], [[Орехово]] селосы - 7.5.[[1987]], [[Мәскеу]] қаласы) - 2-дүниежүзілік соғысқа қатысушы, әскери қайраткер, [[генерал-лейтенант]].

 

[[Қызылорда облысы]], [[Шиелі ауданы]], [[Шиелі (Қызылорда облысы)|Шиелі]] кентіне қоныс аударып, орта мектепті осы жерде бітірген. 1936 жылы [[Ташкент әскери училищесі]]не оқуға түсіп, 1938 жылы [[Тбилиси]] қаласына ауысқан. [[1939 жыл]]ы оқуды бітірген соң [[Иран]] шекарасындағы 80-артиллериялық полкте барлаушылар дивизионының бастығы қызметінде болды.

1941 жылдың қыркүйегінен [[Ұлы Отан соғысы]]на қатысып, алғаш ұрыс жолын 76-атқыштар дивизиясы 80-артиллерия полкі құрамында [[Полтава облысы]], [[Кременчуг]] қаласы ([[Украина]]) аймағында бастады. 1942 жылдың басында Ковтунов артиллерия дивизионының командирлігіне тағайындалды. Кейін бұл полк (80-артиллерия) 21-армияның 304-атқыштар дивизиясының қарамағына беріліп, Ковтунов онда штаб бастығы міндетін атқарды. 1942-43 жылдары [[1-Прибалтика майданы]]ның 6-гвардиялық армияның 67-гвардиялық [[Витебск]] атқыштар дивизиясына қарасты 138-гвардиялық артиллериялық полкінің командирі қызметінде [[Сталинград]], [[Курск]] шайқастарына қатысты. Оның полкі [[Батыс Двина]]дан ([[Даугава]]) өтуде жаудың 600 әскері мен офицерін, 46 автокөлігін, 14 артиллерия және миномет батареясын, 31 пулеметін, 51 оқ-дәрі тиелген арбасын, 28 дзоты мен 24 бақылау пунктін жойды. Сонымен қатар полк күшімен 8 танк, өздігінен жүретін артиллериялық 4 «[[Фердинанд]]» қондырғысы жойылып, жаудың 13 қарсы шабуылы тойтарылды. Осы ұрыстарда полкті шебер басқарғаны үшін Ковтуновқа КСРО Жоғарғы Кеңесі Төралқасының Жарлығымен [[Кеңес Одағының Батыры]] атағы берілді (22.7.1944).

1944 жылдың қыркүйегінде Ковтунов артиллерия қолбасшылығына тағайындалды. Соғыстан кейін [[Мәскеу әскери академиясы]]н (1956) бітірді. 1964-83 жылдары КСРО Қорғаныс минстрлігінің мамандар жөніндегі Бас басқармасында жұмыс істеді. 1983 жылы запасқа шықты.

 

1978 жылы 21 наурызда оған «Қызылорда қаласының кұрметті азаматы» атағы берілді.

Ленин, Қазан революциясы, 2 рет Қызыл Ту, 1-дәрежелі Отан соғысы, [[Александр Невский]], Еңбек Қызыл Ту, 2 рет «Қызыл Жұлдыз», 3-дәрежелі «КСРО Қарулы Күштерінде Отанға қызмет еткені үшін» ордендерімен, көптеген медальдармен марапатталған. <ref>Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х</ref>

== Дереккөздер ==

<references/>