'''КАРБОНАТТАРКарбонаттар'''– көмір қышқылының тұздары. [[Көмір қышқылы]] екі негізді болғандықтан екі түрлі тұздар түзеді: [[карбонаттар]] және [[гидрокарбонаттар]] (немесе [[бикарбонаттар]]). Карбонаттардың көпшілігі түссіз. Кең тараған [[катион|катиондардың]] ішінде тек Na+, K+ тұздары ғана ерігіш. [[Гидролиз|Гидролиздің]] әсерінен олардың ерітінділерінің орталары, әдетте, сілтілік болады. Натрий мен калийдің карбонаттары қыздырғанда ыдырамай балқиды, ал басқа К-дың көпшілігі қыздырғанда металл оксиді мен көмір қышқыл газына ыдырайды. Күшті қышқылдардың әсерінен барлық карбонаттар сол күшті қышқылдың тұзын, көмір қышқыл газын және су түзе оңай ыдырайды. Практикада ең маңыздысы – натрий, калий және кальций карбонаттары. Карбонаттарға керісінше барлық бикарбонаттар суда ерігіш. Гидрокарбонаттардың ішіндегі ең маңыздысы – натрий гидрокарбонаты (NaHCO3). Тұрмыста оны ас содасы деп атайды. Қалыпты жағдайда ол гидролизге онша ұшырамайды. Оның қаныққан ерітіндісі өрт сөндіргіш қондырғыларында көмір қышқыл газының көзі ретінде пайдаланады. Аммоний гидрокарбонаты қамыр көтергіш зат ретінде тамақ өнеркәсібінде қолданылады.