Португалия Ұлттық футбол құрамасы: Нұсқалар арасындағы айырмашылық

1966 жылы Португалия [[Футболдан 1966 жылғы әлем біріншілігі|бірінші рет әлем чемпионатына]] қатысып, [[Мажарстан Ұлттық футбол құрамасы|Мажарстан]], [[Болгария Ұлттық футбол құрамасы|Болгария]] және [[Бразилия Ұлттық футбол құрамасы|Бразилия]] құрамаларымен бір топқа түсті. Бірінші турда Мажарстан құрамасымен кездесіп, 3:1 есебімен жеңіске жетті. Ал келесі турдағы Болгариямен матчта әйгілі Эйсебио өзінің чемпионаттағы тоғыз добының алғашқысын соқты. Бұл матчта да португалдар қарсыластарына еш мүмкіндік қалдырған жоқ — 3:0. Үшінші турда Бразилияның өзі бұларға төтеп бере алмады. Айта кетейік, бұл ойында Пеле жарақатына орай жақсылап ойнай алмады, нәтижесінде Португалия 3:1 есебімен ұтып, топта бірінші орын алды да, Бразилия үшінші орында қалып, елдеріне қайтты.

Ширек финалда [[Солт. Корея Ұлттық футбол құрамасы|Солтүстік Корея]] футболшыларымен кездесті. Ойынның 23-минутында азиялықтар 3:0 есебімен алда тұрды. Бірақ осыдан соң ғана қамшы басқан португалдар бес гол соғып, жартылай финалға өтті. Бес голдың төртеуін Эйсебио соқты. Жартылай финалда [[Англия Ұлттық футбол құрамасы|алаң иелерімен]] терезесі тең ойында 1:2 есебімен ұтылды. Бұл ойынның тартымды өткені сонша, 27-минутқа дейін бір рет те ойын тәртібі бұзылмапты! Ал үшінші ойын үшін матчта [[КСРО Ұлттық футбол құрамасы|КСРО]] құрамасын 2:1 есебімен ұтып, қола жүлдені иеленді.

Мұнан соң құрама тек [[Футболдан 1986 жылғы әлем біріншілігі|1986 жылғажылғы ғана әлем чемпионатына]] қатыса алды. Бірақ соңғы, шешуші ойында күтпеген жерде [[Марокко Ұлттық футбол құрамасы|Мароккодан]] 1:3 есебіменг ұтылып қалып, топтан шыға алмады. Келесі әлем чемпионатына 16 жылдан соң ғана барды. Бұл жолы да екі рет ұтылып, 1/8 финалға өте алған жоқ. Айта кетейік, топтық турнирдің соңғы турындағы [[Корея Республикасы Ұлттық футбол құрамасы|Кореямен]] болған ойында (0:1) португалдар 66-минутта тоғыз-ақ ойыншы боп қалды.

[[Футболдан 2006 жылғы әлем біріншілігі|2006 жылғы әлем чемпионатында]] құрама жақсы ойнады. Топта бірінші орын алды да, 1/8 финалда [[Нидерланд Ұлттық футбол құрамасы|Нидерландыны]] ұтты: 1:0. Бұл ойында рекордтық көрсеткіш тіркеліп, төрт футболшы алаңнан қуылды. 1/4 финалда [[Англия Ұлттық футбол құрамасы|Англиямен]] 120 минут бойы айқасып, ақыр соңында тірліктің бәрі пенальтилерге кеп тірелді. Бұл жерде португалдардың бағы жанды. Ал жартылай финалда [[Франция Ұлттық футбол құрамасы|Франциядан]] (0:1), үшінші орын үшін матчта [[Германия Ұлттық футбол құрамасы|Германиядан]] (1:3) ұтылып қалды.

Еуропа чемпигнатына алғаш рет [[Футболдан Еуропа чемпионаты 1984|1984 жылы]] қатысып, жартылай финалға дейін жетті. Алаң иелері [[Франция Ұлттық футбол құрамасы|Франция]] құрамасын қосымша уақыттарда 2:1 есебімен ұтып тұрды да, екі доп жіберіп алды. Кейін Франция Еуропа чемпионы атанды. Осыған ұқсас жағдай [[Футболдан Еуропа чемпионаты 2000|2000 жылы]] да қайталанды. Тағы да жартылай финал. Тағы Франция. Тағы да есепте алда тұрып, екі доп жіберіп алды. Тағы да Франция Еуропа чемпионы атанды.

Төрт жыл өткен соң [[Футболдан Еуропа чемпионаты 2004|Еуропа чемпионаты]] [[Португалия|Португалияда]] ұйымдастырылды. Португалдар алғашқы ойында күтпеген жерде [[Грекия Ұлттық футбол құрамасы|Грекиядан]] 1:2 есебімен ұтылып қалды. Абырой болғанда, бұдан кейінгі ойындарда ұтып, топта бірінші орын алып, 1/8 финалға өтті. 1/8 финалда ежелгі қарсылас - Англиямен ойнады. Үшінші минутта-ақ [[Майкл Оуэн]] бұлардың қақпасына гол соқты — 0:1. Португалдың жанкүйерлер жауап голды 80-минут бойы күтуге тура келді. 83-минутта [[Элдер Поштига]] есепті теңестірді. 110 минутта [[Руи Кошта]] алға шығарғанымен, 115 минутта [[Фрэнк Лэмпард|Лэмпард]] қайтадан тең нәтижені орнатты. Пенальтилер сериясында Португалия басым болды. Жартылай финалда турнирдің тағы бір фавориті Нидерланд құрамасын 2:1 есебімен ұтып финалға шықты. Финалда баяғы Грекия тағы жолықты. Бұл жолы да гректер басым түсті, 0:1. Португалия күміс жүлдені қанағат тұтты.

[[Футболдан Еуропа чемпионаты 2008|2008 жылы]] ширек финалда Германиядан[[Германия Ұлттық футбол құрамасы|Германияда]]<nowiki/>н ұтылды — 2:2. 2012 жылы жартылай финалда пенальтлерпенальтилер арқылы Испанияға жол берді.

[[Футболдан Еуропа чемпионаты 2016|2016 жылы]] [[Аустрия Ұлттық футбол құрамасы|Аустрия]], [[Мажарстан Ұлттық футбол құрамасы|Мажарстан]], [[Исландия Ұлттық футбол құрамасы|Исландия]] құрамаларымен бір топқа түсіп, үшеуімен де тең ойнады. Нәтижесінде үшінші орынмен 1/8 финалға шықты. Ол раундта қосымша уақыттарда ғана [[Хорватия Ұлттық футбол құрамасы|Хорватияны]] ұтты — 1:0. Ширек финалда [[Польша Ұлттық футбол құрамасы|Польшаны]] пенальтилер арқылы тізе бүктірді. Жартылай финалда ғана [[Уэльс Ұлттық футбол құрамасы|Уэльсті]] айқын басымдықпен ұтып (2:0) финалға шықты.

[[Футболдан Еуропа чемпионаты 2016 (финал)|Финалда]] Португалияның белді ойыншысы [[Криштиану Роналду]] 23-минутта жарақат алып, алаңнан кетті. Матч [[Франция Ұлттық футбол құрамасы|француздардың]] басымдығымен өтіп, Португалияның жеңісімен аяқталды. 110-минутта Эдердің соққан голы матч тағдырын шешті. Португалия Еуропа чемпионы атанды.