Александр Николаевич Сызғанов: Нұсқалар арасындағы айырмашылық

'''Сызғанов Александр Николаевич'''(17.8.1896, [[Татарстан]], Арск қаласы – 8.10.[[1980]], [[Алматы]]) – [[Хирургия|хирург]], медициналық ғылымының докторы ([[1936]]), профессор ([[1934]]), Қазақстан Ғылым Академиясының академигі ([[1955]]), Қазақстанның еңбек сіңірген ғылым қайраткері ([[1941]]). Қазан университетін бітірген ([[1922]]). [[1934]] – [[1963]] жылы қазіргі Қазақ ұлттық медициналық университетінде операциялық және топографиялық анатомия кафедрасының, жалпы хирургия кафедрасының меңгерушісі, [[1945]] – [[1975]] жылы өзі ұйымдастырған Қазақ клиникасы және эксперименттік хирургия институтының (қазіргі Хирургия ғылыми орталығы, Сызғановтың атымен аталады) директоры. [[1975]] жылдан өмірінің соңына дейін сол институттың ғылыми кеңесшісі болды. Негізгі ғылыми-зерттеулері жалпы, жеке және операциялық хирургия мәселелеріне арналған. Сызғанов лимфа жүйесі [[Туберкулез|туберкулезін]], жүрек-қан тамыр, тыныс алу, ас қорыту жүйелері ауруларын, эндеметрия бұғақ ауруын хирургиялық жолмен емдеу әдістерін тауып, оларды күнделікті дәрігерлік тәжірибеге енгізді; онкологиялық, бұғақ ауруының ісінуін емдейтін арнайы хирургиялық орталықтар құрды. Оның басшылығымен Қазақстанда хирург-клиниктер ғылыми мектебінің іргесі қаланды, 2-дүниежүзілік соғыс кезінде респуликалық қан құю станциясы ұйымдастырылып, қан орнына қолдананылатын – КЗК сұйықтығы алынды. Сызғановтың редакциясымен Хирургия орталығының 16 томдық ғылыми еңбегі жарық көрді. 10 монография, 900-ден астам ғылыми еңбек жазған. Оның жетекшілігімен 17 доктор және 73 кандидаттық диссертация қорғалды. 3 [[Ленин]], 2 Еңбек [[Қызыл Ту]], 2 “Құрмет белгісі” ордендерімен марапатталған. [[Алматы|Алматы қаласында]] бір көше Сызғанов атымен аталады. Қазақ ұлттық медицина университетінде Сызғанов атындағы стипендия тағайындалған.▼