Эйсебио — нұсқалар арасындағы айырмашылық

 
==Карьерасы==
Эйсебио 1941 жылы 25 қаңтарда қазіргі [[Мозамбик]] территориясындағы Португалияның Шығыс Африка атты иелігінде дүниеге келген. Бала күнінен доп қуып өскен оны 1958 жылғы әлем чемпионатынан соң "Пеле" деп атай бастаған. Оны алғаш көргендердің бірі бразилиялық футболшы — Карлос Бауэр. Ол "Бенфиканың" бапкері [[Бела Гуттманн|Бэла Гуттманға]] Эйсебионы "[[Бенфика]]ға" алу жайлы ақыл береді. Бауэр Эйсебионы "Сан-Паулуға" әкетпек те болады, бірақ "Сан-Паулу" клубының басшылығы оны қалай қоймайды. Солайша, "Спортинг Лоуренсу-Маркиш" клубында ойнап жүрген жерінен "Бенфиканың" дәм-тұзы бұйырыпты.
 
"Бенфика" сапында ұзақ жылдар ойнап, бірнеше рет ірі жетістіктерге жеткен. 1961 жылы "Бенфика" УЕФА Чемпиондар Кубогында "[[Реал Мадрид|Реалдың]]" бес жылдық гегемониясын тоқтатып, турнир жеңімпазы атанады. Эйсебио сол жылы-ақ [[Португалия Ұлттық футбол құрамасы|Португалия]] құрамасына қабылданады. [[Футболдан 1966 жылғы әлем біріншілігі|1966 жылғы әлем чемпионатында]] Португалия құрамасы дебьютант ретінде қатысып, жартылай финалға дейін жетеді. Эйсебио турнирде 9 гол соғып, чемпионаттың сұрмергені атанады. Осы чемпионатта оны Пелеге теңеушілер тым көбейіп кетеді.